Rahat Ali

اس بات میں کوئی شک نہیں کہ پاکستانی سرزمین فاسٹ باؤلرز سے مالا مال دھرتی ہے۔ ورلڈکپ2015ء میں پاکستان کو اہم فاسٹ باؤلر جنید خان سے محروم ہونا پڑا تو بلاول بھٹی کو ٹیم میں شامل کرنے کی باتیں کی جارہی تھی لیکن قرعہ 26 سالہ راحت علی کے نام کا نکلا۔صرف ایک روزہ بین الاقوامی میچ میں پاکستان کی نمائندگی کرنے والے راحت علی کو ورلڈکپ میں موقع دینے کا بنیادی مقصد پیس بیٹری کو مضبوط بنانے کے ساتھ ساتھ جنید خان کے متبادل کے طور پر لیفٹ آرم باؤلر کا ٹیم میں شامل بھی ضروری سمجھا جارہا تھا۔ راحت علی نے 2012ء میں سری لنکا کے خلاف پاکستان کی جانب سے پہلا ون ڈے میچ کھیلا تھا ، اس کے بعد وہ منظرعام سے غائب ہوگئے تاہم یواے میں آسٹریلیا کیخلاف راحت کی کارکردگی سے ایک بار پھر ٹیم میں جگہ دینے میں کامیاب ہوگئی۔ملتان سے تعلق رکھنے والے 26 سالہ راحت علی نے اپنے کیریئر میں اب تک صرف ایک ہی ون ڈے انٹرنیشنل میچ کھیلا ہے جس میں وہ خاطر خواہ کارکردگی نہیں دکھا سکے تھے۔ یہ میچ بھی انھوں نے 2012ء میں سری لنکا کے خلاف کھیلا تھا۔تاہم ٹیسٹ کرکٹ میں ان کا ریکارڈ بہتر رہا ہے اور اب تک کھیلے گئے 11 ٹیسٹ میچوں میں انھوں نے 31 وکٹیں حاصل کر رکھی ہیں۔ انھوں نے آخری ٹیسٹ گزشتہ سال نومبر میں شارجہ میں نیوزی لینڈ کے خلاف کھیلا تھا۔راحت علی کے پاس یہ بہترین موقع ہے کہ وہ ورلڈکپ مقابلوں میں بے مثال کارکردگی دکھا نہ صرف ٹیم کو جتوا سکتے ہیں بلکہ وہ مستقل طور پر طویل عرصے کیلئے ٹیم میں جگہ بھی برقرار رکھ سکتے ہیں۔