انگلینڈ کے معین علی اور لیم پلنکیٹ نے تین تین، سٹیون فن اور عدیل راشد نے دو دو کھلاڑیوں کو آؤٹ کیا۔ ٹریڈفورڈ، مانچسٹر میں کھیلے گئے سیریز کے تیسرے ون ڈے میچ میں انگلینڈ کے کپتان ایون مورگن نے ٹاس جیت کر پہلے بیٹنگ کا فیصلہ کیا ۔ انگلینڈ نے مقررہ 50 اوورز میں 8 وکٹوں کے نقصان پر 300 رنز بنائے۔ جیمز ٹیلر 101، جیسن روے 63 اور آئن مورگن 62 رنز کے ساتھ نمایاں بلے باز رہے۔

آسٹریلیا کی طرف سے میکسویل اور کیومز نے دو دو جبکہ مچل سٹارک اور ایگر نے ایک ایک کھلاڑی کو آؤٹ کیا۔ انگلینڈ کے باؤلرز کی عمدہ باؤلنگ کی بدولت آسٹریلوی ٹیم 301 رنز ہدف کے تعاقب میں ناکام رہی اور پوری ٹیم 44 اوورز میں 207 رنز بناکر آؤٹ ہوگئی، آسٹریلیا کے آرون فنچ 53 اور وکٹ کیپر میتھیو ویڈ 42 رنز کے ساتھ نمایاں رہے۔ انگلینڈ نے ون ڈے سیریز میں شاندار کم بیک کرتے ہوئے آسٹریلیا کو 93 رنز سے شکست دے دی۔ انگلینڈ کی طرف سے عمدہ باؤلنگ کا مظاہرہ کرتے ہوئے معین علی اور لیم پلنکیٹ نے تین تین، سٹیون فن اور عدیل راشد نے دو دو کھلاڑیوں کو آؤٹ کیا۔ انگلینڈ کے جیمز ٹیلر کو شاندار بلے بازی پر میچ کا بہترین کھلاڑی قرار دیا گیا۔