شہروز کاشف نے کہا کہ میں 11 برس سے کوہ پیمائی کر رہا ہوں اور یہ میرا شوق ہے، میں مائونٹ ایورسٹ اور کے ٹو سمیت کئی خطرناک چوٹیاں سر کر چکا ہوں، میرا نام گینیز بک آف ورلڈ ریکارڈ میں بھی درج ہے۔انہوں نے کہا کہ حکومتِ پاکستان تمام ایتھلیٹس کی پزیرائی کر رہی ہے جو کہ اچھی بات ہے اور اب میں بھی منتظر ہوں کہ میری بھی حوصلہ افزائی کی جائے۔ شہروز کاشف نے کہا کہ میں صدر، وزیرِ اعظم اور وزیرِ اعلی پنجاب سے مل کر اپنا سارا سفر بیان کرنا چاہتا ہوں۔نوجوان کوہ پیما نے کہا کہ اگر میرے کارناموں کو اعلیٰ حکومتی شخصیات تسلیم کرتی ہیں تو یہ میرے لیے بہت بڑی بات ہو گی، مجھے اٴْمید ہے کہ میرا پیغام حکومت تک پہنچے گا۔