دوسری چیف آف آرمی اسٹاف انٹر کلب ہاکی چیمپئن شپ تین مراحل میں ہوگی جس میں پاکستان بھر سے آٹھ سو کلبز حصہ لیں گے۔کلبز کی رجسٹریشن کا عمل آج( منگل) سے شروع ہوکر پندرہ دسمبر تک جاری رہے گا۔جس کیبعد تمام صوبائی ہاکی ایسوسی ایشنز تین دن کی جانچ پڑتال کریں گی۔ڈسٹرکٹ کلبز مقابلوں کا پہلا مرحلہ بیس دسمبر سے شروع ہوگا۔ اس کے بعد ریجنل،صوبائی سطح پر میچز کھیلے جائیں گے۔ قومی سطح پر آخری مرحلے کا آغاز تین فروری سے ہوگا۔ فائنل پندرہ فروری کو کھیلا جائے گا۔ چیمپئن شپ کو انتہائی پیشہ وارانہ انداز میں منظم کیا جائے گا جس کا مقصد نوجوان اور باصلاحیت ہاکی کھلاڑیوں کی تلاش ہے۔جو آگے چل کر قومی ٹیم کا حصہ بنیں گے۔