Grosse feve

Li grosse feve, c' est ene påwionacêye ki dene des grossès grinnes k' ont l' cogne d' on rno, et k' on splitche foû d' leu schågne divant d' les magnî (årvier del pitite feve, k' on magne les cosses eto).

Sincieus no d' l' indje : Vicia faba

hotche drovowe

Motlî

L' ewalpeure des feves si lome hotche (ou «schåfe» ou «schågne» ou «cosse»). Les minmes mots alèt po les ptits poes et les garvanes.

Drovi ciste ewalpeure la si dit dihotchî ou schafyî.

Coûtivaedje

Dins les cortis, on les semes a roye et les ramasser al mwin, et les dihotchî.

E plin tchamp, on ratind k' ele soeyexhe souwêyes, pu les bate. Dins l' tins, on les bateut pacô avou des tchvås å manedje.

Uzaedje

Come amagnî

Foirt ritche e blandoûs (proteyenes), mins fwait proutler.

Come riméde

On l' magne souwêye cwand on-z a on matchurea.

Maladeyes des grossès feves

• orobantche del grande feve (tiesse di moirt)