Wikipedia:Wikinoveles

Novea live eplaidî pa Lorint Hendschel

/!\ Messaedje metou dinsi sol forom Berdelaedjes /!\

Dji fé ene miete del reclame, si vos voloz bén: mi novea roman vént d' parete, sicrît trinte ans après l' prumî (!), "So l' anuti", k' aveut paretou amon Weyrich l' an 2006. 

Gn a sacwantès racsegnes so m' blog: https://amonlorint.wordpress.com/2025/02/02/mi-novea-roman-a-vudi/ 

Li roman a stî scrît è rfondou walon avou l' tite "Li djoû k’ Monsieu a rivnou" (ISBN 979-10-424-4203-3). Mins dj’ end a fwait ene modêye dins li scrijhaedje da Feller eto po les lijheu(se)s k’ inmèt mî insi. Si tite: « Li djoû qu’ Monsieû a rivnou » (ISBN 979-10-424-4192-0). C’ est l’ minme roman mot po mot, come di djusse. 

Les deus modêyes vinèt avou on ratournaedje è francès di m’ mwin. Li tot fwait 373 pådjes. 

Li live e-st oto-edité mins dj' a bråmint des rujhes avou l' distribouweu. Les deus modêyes, rifondou et Feller, polèt esse atchtêyes amon Bookelis: https://livres.bookelis.com/librairie 

On l' trouve eto sol Toele (Fnac, Amazon...) et on l' sait comander dins les livreyes mins (kéke feye seulmint pol moumint), seulmint li modêye è Feller. Rén n' e-st åjhey... 

Todi e-st i ki dj’ espere ki vos åroz bon do lére çoula! Mi, dj’ a yeu bon del sicrire po vosse plaijhi, todi!

Po les manaedjeus d' sicoles di walon eyet d' tåvlêyes

Li Siervice des Lingaedjes do Payis rashonne des racsegnmints po fé ene mape des scoles et des tåvlêyes di walon-cåzants.

(fr) Leu dmande di racsegnes

Tchansons del sitroete plake «Emacralaedje»

Sacwants tchansons e walon del sitroete plake «Emacralaedje» sont asteure sol tchinne «tévé waloncåzante» so VoBuze.

Concert walon a Binde / Bande

A Bande (u Binde), li djudi 6 di fevrî a deus eures et dmey di l' après-nonne, concert avou les copineus do Tchårnoe, les scolîs di Chavane-dilé-Harsin eyet Willy Marchal avou s' copleu Léon Jacquot. Racsegnes : http://www.ccnassogne.be; tel. 084 21 49 08.

Pris del Federåcion Walonreye-Brussele po 2025

C' est èn ovraedje di prôze, a revoyî divant l' 15 di fevrî 2025.

Racsegnes

Bate di tchansons del Fiesse ås lingaedjes walons 2025

(fr) Prezintaedje
(fr) Reglumint
(fr) Ramexhnêye di tecses di tchansons ki tot l' monde pout mete e muzike

Bate di noûmots del fiesse ås lingaedjes walons 2025

Pol bate di noûmots del fiesse ås lingaedjes walons, li tinme e 2025, ci srè: «li muzike et l' industreye del muzike».

Nén pus d' 10 noûmots avou ene pitite esplikêye di cmint k' il a stî trové, ey ene fråze ki l' novea mot est metou dvins. Ci côp ci, on pout eto evoyî des noûmots foû do tinme.

Divant li 15 d' avri 2025 å Siervice des Lingaedjes do Payis : langues.regionales(at)cfwb.be

Hårdêye difoûtrinne

(fr) Loukîz cial

Letes toûnreces del Federåcion Walonreye-Brussele (2022-2024)

Po rçure ces letes la pa emile

Hårdêyes divintrinnes