Vikipediya:Forum/Qoidalar

Qoidalar

Texnik savollar

Takliflar

Yangiliklar

Yordam

Bu boʻlim qoida va koʻrsatmalarni muhokama qilishga moʻljallangan.

Qoidalarga oʻzgartirish kiritish

Oʻzbekcha vikipediya rivojlanib borgani sayin yangi qoidalar qabul qilishga ham ehtiyoj sezilmoqda. Jumladan, statuslar olish masalasida ham yangi qoida kiritish kerak deb oʼylayman. Yaʼni, Administratorlikka nomzod boʻlib, qoniqarsiz natijaga erishgan va adminlikdan mahrum boʻlgan foydalanuvchilar istalgan statusni olishi uchun 1 yildan keyin, administratorlik statusini olish uchun esa 2 yildan keyin qayta nomzod koʻrsatishi kerakligi haqidagi qoidani mustahkamlab qoʻysak. Shuningdek, administratorlikka nomzod boʻlish uchun mezonlarni ham qayta koʻrib chiqish kerak deb oʻylayman. Fikrlaringizni quyida Fikrlar boʻlimida bildirishingiz mumkin. Laziz Baxtiyorov (munozara) 08:11, 16-May 2023 (UTC)

Fikrlar

Avval boshqa vikilar tajribasi bilan tanishib chiqish kerak. Keyin muhokama qilsak arziydi. Nataev ^munozara 08:23, 16-May 2023 (UTC)

Assalomu alaykum, Nataev. Shu kabi qoida ruscha vikipediyada mavjud ekan va ularda muddat 3 oy bilan chegaralangan. Oʻzbekcha Vikipediyada muddatlarni biroz qatʼiylashtirib, Jamshid Nurqul aytganlaridek, 6 oy qilib belgilasal maʼqul boʻlar deb oʻylayman. Laziz Baxtiyorov (munozara) 10:47, 23-May 2023 (UTC)

Administratorlikdan boshqa istalgan statusni olish muddatini bir yil emas, 6 oy qilsak menimcha maqsadga muvofiq boʻladi. Jamshid Nurqul (munozara) 15:21, 16-May 2023 (UTC)

Fikrimcha istalgan status uchun 1 yil va administratorlik uchun 2 yil juda katta muddat. Muddatlarni 1-yildan 6 oyga va 2 yildan 18 yoki 15 oyga qisqartirsak yaxshi boʻlardi. Muxriddin Azimov (munozara) 18:28, 23-May 2023 (UTC)

Administratorlik uchun 2 yil juda katta muddat. Muxriddin Azimov'ning fikrlariga qoʻshilaman. Salazarov ^(suhbat) 09:58, 24-May 2023 (UTC)

Adminlikka nomzodini qoʻyishga 1 yil va boshqa kichik statuslariga oʻz nomzodini qoʻyish uchun 6-oy muddat yetarli boʻladi. Agar sobiq admin mana shu sinov muddatida qoidalarni buzib oʻzboshimchalikka yoʻl qoʻysa saylov vaqtida fikrlar bildiriladi va qayta saylanmaydi. MirzoUlug'Bek 14:10, 28-May 2023 (UTC)

Bu fikrni ham dastlaklayman! Salazarov ^(suhbat) 14:18, 28-May 2023 (UTC)

Modomiki, masala suiisteʼmol qilingan ishonch borasida borar ekan, ayni status uchun 2 yil kam muddat emas. Ammo qolgan statuslar uchun 6 oy yetarli, menimcha. Kamol Azzam (munozara) 16:39, 2-Iyun 2023 (UTC)

Ruscha Vikipediyadagi kabi 3 oy etib belgilanishi tarafdoriman. Umarjon Rahimov (munozara) 20:31, 3-Iyun 2023 (UTC).

Xulosa

Quyidagi munozara yopiq. Iltimos, bu yerga oʻzgartirishlar kiritmang.

---

Yangi qoida joriy qilish

Hozirgi kunda Oʻzbekcha Vikipediyada foydalanuvchilar, tahrirlar hamda yangi sahifalar soni oʻsib bormoqda. Bu, albatta, yaxshi holat. Shuningdek, baʼzi salbiy oqibatlarni keltirib chiqarish ehtimoli ham yoʻq emas. Mana shunday holatlardan biri Vikipediyadan tuhmatga yoʻgʻrilgan materiallarni tarqatish maqsadida foydalanish ehtimoli ham mavjudligi. Shu kabi holatlar oldini olish uchun EnWiki qoidalaridan biri en:Wikipedia:Libel sahifasini Vikipediya:Tuhmat sahifasi tarzida oʻzbek tiliga ham joriy qilishni taklif qilaman.

Hurmatli Kagansky, Nataev, Nataeva, Malikxan, Mirzoulugʻbek, Umarxon III, Artemev Nikolay, Muxriddin Azimov, Gayrat98, Alpasli, Jamshid Nurqulov, ITPRO.UZ, Panpanchik, Muzaffar Murodovich, Salazarov, Husniddin Rasulov va boshqalar, iltimos, fikrlaringizni bildirsangiz.

Fikrlaringizni Fikrlar boʻlimida yoki munozara sahifasida qoldirishingiz mumkin. Laziz Baxtiyorov (munozara) 10:45, 23-May 2023 (UTC)

Rozilar

1.  Roziman — buning kabi qoidalar boʻlishi/koʻpayishi kelajakda yuz berishi mumkin boʻlgan bahs hamda kelishmovchiliklarni oldini oladi/hal qiladi deb oʻylayman. Alpasli (munozara) 11:59, 23-May 2023 (UTC)
2.  Roziman — Jamshid Nurqul (munozara) 12:11, 23-May 2023 (UTC)
3.  Roziman — Artemev Nikolay (munozara) 14:32, 23-May 2023 (UTC)
4.  Roziman — Muxriddin Azimov (munozara) 18:21, 23-May 2023 (UTC)
5.  Roziman — Muzaffar Murodovich^munozara 21:00, 23-May 2023 (UTC)
6.  Roziman — Salazarov ^(suhbat) 09:56, 24-May 2023 (UTC)
7.  Roziman — MirzoUlug'Bek 10:14, 24-May 2023 (UTC)
8.  Roziman — ITPRO.UZ (munozara) 20:38, 25-May 2023 (UTC)

Xulosa

 Bajarildi. Bundan nari bu qoidaga amal qilishimiz shart. Nataev ^munozara 12:42, 26-May 2023 (UTC)

Ushbu munozara yopiq. Iltimos, bu yerga oʻzgartirishlar kiritmang.

Quyidagi munozara yopiq. Iltimos, bu yerga oʻzgartirishlar kiritmang.

---

Vikipediya:Foydalanuvchi sahifalari sahifasini qoida sifatida tasdiqlash

Salom, Vikipediya! Hurmatli foydalanuvchilar, oʻzbekcha Vikipediyada Foydalanuvchi sahifalarini qanday boshqarish, ularni qay tartibda oʻchirish va shu turdagi muammolarni yechish maqsadida Inglizcha Vikipediyadan tarjima qilingan ushbu sahifani qoida oʻlaroq tasdiqlash uchun Forumga taklif kiritmoqdaman. Iltimos, Hurmatli, Nataev, Nataeva, Abdulla, Malikxan, Kagansky, Jamshid Nurqul, Umarjon Rahimov, Muxriddin Azimov, Malikxan, MirzoUlugʻbek Karimov, Alpasli, Laziz Baxtiyorov, Humoyun Qodirov, Asadbek Botirqulov, Panpanchik, Muzaffar Murodovich, Husniddin Rasulov, ShohjahonSobirov, Finikchik, Diwikiped, Visola Tangirova, Kamol Azzam va boshqa foydalanuvchilar, iltimos ovoz berishda ishtirok etsangiz!

Sizlardan yana shuni iltimos qilib qolamanki, sahifada imloviy va grammatik jihatdan xatolar boʻlsa, xabar bersangiz. Yoki oʻzingiz tahrirlab qoʻysangiz ham juda minnatdor boʻlardim! Hurmat bilan, Salazarov ^(suhbat) 10:03, 24-May 2023 (UTC)

Fikrlar

Foydalanuvchi sahifalarini oʻchirish huquqini muayyan qoida sifatida adminlarga berilishini taklif qilaman. Miss Kamola (munozara) 11:04, 24-May 2023 (UTC)

Miss Kamola; Vikipediya:Tezda oʻchirish mezonlarida Foydalanuvchi sahifalari bilan bogʻliq bandlar ham bor. Xulosa chiqaruvchilar esa tezda oʻchirish boʻyicha xulosa chiqara oladilar. Shuni nazarda tutgan holda sahifada xulosa chiqaruvchilar ham tilga olingan. Salazarov ^(suhbat) 11:15, 24-May 2023 (UTC)

Ayrim xulosa chiqaruvchilar adminlar bilan kelishilmagan holda ensiklopedik ahamiyatga ega boʻlgan maqolalarni oʻchirib yuborganliklarini hisobga olgan holda shu taklifni berdim. Miss Kamola (munozara) 07:40, 25-May 2023 (UTC)

Miss Kamola; Kechirasiz, ammo, siz avvalgi qatorida foydalanuvchi sahifalari haqida yozdingiz, endi bo'lsa, maqolalar haqida. Iltimos, fikringizni to'liq va ayonroq bayon qilsangiz. Salazarov ^(suhbat) 07:44, 25-May 2023 (UTC)

Taklif etilayotgan qoidaning „mumkin“ bandi „mumkin emas“ bandida joylanishi kerak bo‘lgan qoidalarni ham oʻz ichiga olgan. Bu esa, ayniqsa, yangi foydalanuvchilar uchun muammoni yuzaga keltirish mumkin. Aniqlik kiritish va tahrirlash kerak. Kamol Azzam (munozara) 16:57, 2-Iyun 2023 (UTC)

Kamol Azzam; Fikr uchun tashakkurlar! Biroq, siz taʼkidlagan boʻlimlardagi shartlar inglizcha Vikipediyaning tarjimasidir. Bundan tashqari, ushbu boʻlimlarda yangi foydalanuvchilar uchun qiyinchilik emas, balki ishonchlilik bor. Ular shaxsiy sahifa qanday yaratilishi va nimalarni qamrab olishi boʻyicha yetarlicha tasavvurga ega boʻlmaydilar hamda ushbu taklif etilayotgan qoidalar yangi foydalanuvchilar uchun ham foydali boʻladi. Salazarov ^(suhbat) 17:02, 2-Iyun 2023 (UTC)

Salazarov, ma'lumot uchun rahmat. Yangi foydalanuvchilar uchun kerakli ekanini rad etmayman. Ammo qoidani, modomiki, oʻzbekcha Vikipediyaga joriy qilishni istar ekanmiz, umummazmunni buzmaydigan holda, aniqlikka yordam berishi uchun va zaruriy chora sifatida uni muvofiqlashtirish ziyon qilmaydi, deb hisoblayman. Kamol Azzam (munozara) 17:05, 2-Iyun 2023 (UTC)

Rozilar

1.  Roziman Finikchik 16:05, 24-May 2023 (UTC)
2.  Roziman — buning kabi yangi qoidalar koʻproq yaratilishi/tasdiqlanishi va bahs-munozaralarning oldini olish uchun qoʻllanma boʻlishi kerak deb oʻylayman Alpasli (munozara) 01:01, 26-May 2023 (UTC)
3.  Roziman FreetimeeditorII (munozara) 13:15, 26-May 2023 (UTC)
4.  Roziman — MirzoUlug'Bek 14:00, 28-May 2023 (UTC)
5.  Roziman — Humoyun Qodirov (munozara) 19:27, 30-May 2023 (UTC)
6.  Roziman Diwikiped (munozara) 03:02, 3-Iyun 2023 (UTC)
7.  Roziman — Muzaffar Murodovich^munozara 12:22, 14-Iyun 2023 (UTC)
8.  Roziman — Mirishkorlik (munozara) 16:02, 19-Dekabr 2023 (UTC)

Xulosa

 Bajarildi. Boshqa foydalanuvchilardan fikr-mulohazalar yoki takliflar boʻlmadi. Bundan nari ushbu qoidalarga amal qilamiz. Nataev ^munozara 22:07, 2-Mart 2024 (UTC)

Ushbu munozara yopiq. Iltimos, bu yerga oʻzgartirishlar kiritmang.

Vikipediya:Imlo va grammatika

Hammaga salom! Ushbu munozarada imlo va grammatika boʻyicha qoidalarimizga oʻzgartirish masalasini koʻtarmoqchiman. Hozirda koʻplab nashrlar, xususan, Kun.uz, Prezident.uz, va baʼzi adabiyotlarda „ “ belgilaridan foydalanishmayapti. Shu boisdan ushbu belgilarni “ ” belgilariga almashtirishni taklif etaman. Iltimos, quyida oʻz fikr va takliflaringiz bilan oʻrtoqlashsangiz! Salazarov 10:08, 22-Iyul 2023 (UTC)

Fikrlar

Bosma nashrlarda shunchaki "..." emas, koʻproq “...” yozilar ekan. Ikkinchisini ishlatsak, ish koʻpayadi. Shunchaki "..." yozaversak boʻladi, menimcha. Yoki vikifikator "..." ni “...” ga oladigan qilamizmi? Nataev ^munozara 10:12, 22-Iyul 2023 (UTC)

Yaxshi taklif. Boshqalardan ham fikrlarni kutib qolamiz. Salazarov 10:15, 22-Iyul 2023 (UTC)

FYI: https://oriftolib.uz/3601 Nataev ^munozara 10:40, 22-Iyul 2023 (UTC)

Vikifikator bosganda, " ", « » va „ “ larni “ ” ga oʻzgartiradigan qilish kerak, menimcha.

„ → “

“ → ”

„soʻz“ → “soʻz”. Muzaffar Murodovich^munozara 11:39, 22-Iyul 2023 (UTC)

Yangi "Oʻzbek tilining izohli lugʻati"da ham "..." ishlatilgan. Qachondir biz ham shu variantga oʻtishga majbur boʻlamiz. Ammo yana biron yil kutishni taklif qilgan boʻlardim. Sababi alifbo isloh qilinishi mumkin bu orada. Yochi hech boʻlmasa oʻzgarmasligi uzil-kesil hal qilinsa, yaxshi boʻlardi. Nataev ^munozara 22:14, 2-Mart 2024 (UTC)

Tirik insonlar biografiyalari

Inglizcha vikipediyaning en:WP:BIO siyosati avvalroq rasmiyatchi administratorimiz Nataev tomonidan oʻzbekcha vikipediyaga VP:TIB tarzida joriy etilgan edi. Uzoq davom etgan jarayonlardan soʻng, hozirda mazkur qoida toʻliqligicha oʻzbek tiliga oʻgirildi. Sahifaning qoralama variantini oʻqib, gʻalizliklar boʻlsa tuzatib, yoki fikrlaringizni aytib, tarjimani yanada takomillashtirishga baholi qudrat hissa qoʻshishingizni soʻrab qolaman. Mazkur munozara jarayoni yakunlangach, adminlar hamda rasmiyatchilardan qoidani amalga kiritishda amaliy yordamlarini ayamasliklarini soʻrayman. Rahmat. Laziz Baxtiyorov (munozara) 03:36, 17-Sentyabr 2023 (UTC)

Baraka toping, juda katta ish qilgansiz. Boshqa foydalanuvchilardan fikr-mulohaza yoki taklif kelib tushmasa, xulosa chiqarsak ham boʻladi. Nataev ^munozara 22:11, 2-Mart 2024 (UTC)

Baʼzi abbreviaturalarning yozilishini standartlashtirish toʻgʻrisida

Hozirgi oʻzbek lotin alifbosining texnik va vizual kamchiliklari barcha sohalarga taʼsir oʻtkazadi. Oʻzbekcha Vikipediya shu taʼsirdan mustasno emas. Oʻzbek lotin alifbosidagi ayrim tamgʻalarni/harf birikmalarini oʻylab topganlar lotin harflarini qoʻllovchi boshqa xalqlarning yetti uxlab tushiga kirmagan bir yangilikni ijod qilganlar-ki, bundan haligacha butun millat aziyat chekmoqda, vizual qulay koʻrinishni tanlab, xato ustiga xatolar qilmoqda. Gap lotin alifbosiga asoslangan oʻzbek alifbosining Sh, sh va Ch, ch harf birikmalari haqida. Bilamizki, lotin alifbosi asosidagi oʻzbek alifbosida Sh, sh va Ch, ch harf birikmalari SH hamda CH koʻrinishidagi tamgʻaga ega emas, hech qachon ega boʻlmagan ham. Biroq, oʻzbek lotin alifbosida yozilgan kitoblar, saytlarda AQSH, SHHT, AYOQSH (Avtomobillarga YOqilgʻi Quyish Shahobchasi; aslida AYQSh boʻlishi kerak, chunki joriy alifbomizda Yo harf birikmasi yoʻq) koʻrinishida yozilishiga koʻnikib ham qoldik. Hozirda oʻzbekcha Vikipediyada mavjud aksar maqolalarda Amerika qoʻshma shtatlari, Shanhay hamkorlik tashkiloti kabi jumlalarning abbreviaturalari „AQSh“, „ShHT“ koʻrinishida yozilib kelayotganiga guvoh boʻlishimiz mumkin. Lekin, vizual jihatini, yozishda qulayroq ekanini hamda koʻplab manbalarda uchraydigan koʻrinishini hisobga olgan holda „Sh“ va „Ch“ (juda kam hollarda „Yo“) harf birikmalari mavjud abbreviaturalarda bu birikmalarni „SH“, „CH“ va „YO“ koʻrinishida yozishni va buni tegishli qoidalarda ham qayd etishni taklif qilaman. Jamshid Nurqul (munozara) 16:36, 2024-yil 28-oktyabr (UTC)

Fikrlar

Qoʻllayman. Orif Tolib ham ayni fikrni izhor qilgan. Kitoblarda ham tez-tez katta harf bilan yozilganiga koʻzim tushyapti. Nataev ^munozara 17:34, 2024-yil 28-oktyabr (UTC)

Roziman. Bir xil standart boʻlishi kerak. Umarxon III (munozara) 05:52, 2024-yil 29-oktyabr (UTC).

 Roziman Tatbigʻini kutayotgan muhim masala --Mirishkorlik (munozara) 10:10, 2024-yil 8-noyabr (UTC)