Stáđđi
Stáđđi lea rávddi bargoneavvu man alde veahčiriin dearpá dan duoji mainna lea bargame. Stáđit leat eanas leikejuvvon ruovddis dahje stális. Bajil stáđđi lea duolbbas muhto das lea maiddái nu gohčoduvvon čoarvi. Stáđđi deaddá gaskal 60 ja 100 kilo. Stáđit leat vásedin ráhkaduvvon lossadin, daningo dalle dat energiija mii boahtá dearpamis ii "láhppo" muhto baicce adnojuvvo duoji hábmemii.
Stáđđi lea buoššuduvvon hui garasin nu ahte dat gierdá veahčira dearpama. Ii galgga goassege dearpat veahčiriin njuolga stáđđái. Dalle dat sáhttá cuovkanit ja laigat. Lea maid dehálaš ahte stáđđi ii leat roamššil bajil, go dalle duodji sáhttá luoddanit dahje cuovkanit.