Muse (band)

Muse (oetsproake /mjuːz/) is ne muziekgroep oet t Engelse Teignmouth in Devon. De leedn van Muse beent seend t begin van de band (1994) bie Muse bleewn. De zaank, gitaar en piano wörd doan duur Matthew Bellamy, de achtergroondzaank, basgitaar en veardere toetsenpartiejn komt vuur reknge van Christopher Wolstenholme, en de drums, slagwoark en sythesizers wordt bespöld duur Dominic Howard. Noa t oetkomn van t album Black Holes and Revelations (Zwarte Geater en Oonthulliges) dut ook Morgan Nicholls met op slagwoark, basgitaar en achtergroondzaank as ze optreadn doot.

Muse is bekeand van de opzweepnde en oetbeundige optreadns dee't ze geewt en van de völle muziekstieln dee't ze duur mekoar doot, zo as progressive rock, alternative rock, klassiek, heavy metal, en ellektroniese muziek, met thema's oawer revolusie.

Muse hef acht studioalbums op enömn: Showbiz (1999), Origin of Symmetry (2001), Absolution (2003), Black Holes and Revelations (2006), The Resistance (2009), The 2nd Law (2012), Drones (2015) en Simulation Theory (2019). Doarnöast hebt ze nog verskeaidene optreadns op enömn en oet egeewn: Live at Rome(2013) HAARP (2008), Absolution Tour (2005) en Hullabaloo Soundtrack (2002).

Duur Black Holes and Revelations kreeg de band ne Mercury Pries-anbevelige en kömn ze op de doarde plaatse in de NME Albums van t Joar-lieste van 2006. Ze hebt vief MTV Europe Music Awards op naam, vief Q Awards, acht NME Awards, twee BRIT Awards en veer Kerrang! Awards. Vuurdet t Album The Resistance oetköm har Muse wearldwied al mear as 10 miljoen albums verkocht.

Albums

Showbiz (1999)
Origin of Symmetry (2001)
Absolution (2003)
Black Holes and Revelations (2006)
The Resistance (2009)
The 2nd Law (2012)
Drones (2015)
Simulation Theory (2018)
Will of the People (2022)

Oetgoande verbeendige

Offisjele webstea

Commons: Muse (band) - plaatjes, filmkes en/of gelüüdsbestanden.