Мушкатла

Мушкатла
	цвет Pelargonium graveolens
Научна класификација
Семејство:	Geraniaceae
Род:	Pelargonium

Мушкатла, кај нас се сретнува најчесто како сардела, но е позната и како пеларгони и белагона се имиња за растението од родот Pelargonium. Родот вклучува околу 200 видови на зелјести растенија, од кои се некои одгледуваат како домашни украси, а некои се важни во индустриите на парфеми. Највеќе се распространети во јужна Африка, пособено ’Ртската флористичка област. Стручен назив за родот потекнува од грчкиот збор πελαργός (пеларгос = штрк), бидејќи формата на цветот личи на клун од оваа птица.

Исклучително е поволна за чување во домашни услови, па се сретнува на сите меридијани и во многу бои и претставува вид на омилено балконско цвеќе.^[1]

Опис на растението

Мушкатлите се едногодишни или повеќегодишни зелјести растенија, со наизменичен распоред на лисја. Формата на листовите е многу варијабилна. Мушкатлите имаат жлездени вакна на стеблото и листовите, кои содржат ароматични масла. Цветовите се зигоморфни, собрани во цвет. Плодот е шизокарпиум.