Вестманланд
| Вестманланд Västmanland | ||
|---|---|---|
| ||
 | ||
| Земја | Шведска | |
| Крај | Свеаланд | |
| Окрузи | Вестманланд Еребру Даларна | |
| Површина | ||
| • Вкупна | 8,363 км2 (3,229 ми2) | |
| Население (2009)[1] | ||
| • Вкупно | 289,206 | |
| • Густина | 35/км2 (90/ми2) | |
| Народ | ||
| • Наречје | свеаландско „цимолско“ | |
| Култура | ||
| • Цвет | имела | |
| • Животно | срна | |
| • Bird | цуцулеста сипка | |
| • Риба | костреш | |
| Час. појас | CET (UTC+1) | |
| • Лето (ЛСВ) | CEST (UTC+2) | |
Вестманланд (швед. ⓘ) е историска покраина (landskap) во средна Шведска. Се граничи со покраините Седерманланд, Нерке, Вермланд, Даларна и Упланд.
Името е изведено од поимот „западни луѓе“, што се однесува на населението западно од Упланд, средишна покраина на дамнешна Шведска.
Управа
[уреди | уреди извор]Традиционалните покраини во Шведска немаат административна улога, туку постојат само како културно-историски целини. Во случајот на Вестманланд, административниот округ Вестманланд го зафаќа само источниот дел на покраината. Западниот дел му припаѓа на округот Еребру.
Географија
[уреди | уреди извор]Теренот на север и северозапад е карпест. Тука се сместени највисоките планини: Елвхејден (422 м) и Килершклак (408 м).
Останатите делови на покраината се главно рамничарски.
Најголемо езеро е Меларен, кое лежи на јужната граница на покраината. Ова е трето езеро по големина во земјата.
- Национални паркови: Фернебофјерден
Западен Вестманланд во минатото припаѓал на рударското подрачје Бергслаген.
Историја
[уреди | уреди извор]Најстар град во Вестманланд е Вестерос, основан околу 990. Најпрвин бил покраински центар, а од 1120 и седиште на Вестероската епархија. Вестерос и денес е најголем град во покраината. Градот и неговата општина бројат 130 000 жители.
Во минатото, статус на град имале Арбуга, (од XII век), Шепинг (од 1474), Сала (од 1624), Линдесберг и Нура (обата од 1643), и Фагерста (1944). Во 1971 е градот е укинат како управна единица (за сметка на општината), па затоа овој статус денес е чисто историски .
Рудниците Нурберг и Хинскатеберг датираат од XIV век. Рудникот Линдесберг е отворен во XVI век.
Знаменитости
[уреди | уреди извор]Старата Енгелсбершка железарница е прогласена за светско наследство на УНЕСКО.
Наводи
[уреди | уреди извор]- ↑ Податоци за населението - Централна статистичка служба (шведски)
Надворешни врски
[уреди | уреди извор]- Вестманланд - туристички портал (шведски) (англиски)
- „Вестманланд“ - Нордиска семејна книга (1922) (шведски)
| ||||||||||||||||
