Ucitània
|
|
Quel articul chì l'è scrivüü in Lumbard, cun l'urtugrafia insübrica ünificada. |
|
«L'ünegh teritori suvran che 'l popul ucitan l'ha pudüü abitaa i henn staa la sua lengua e la sua leteradüra»
|
L'Ucitania (in ucitan Occitània [utsi'tanjɔ], [uksi'tanjɔ], second la norma classega, Óucitanìo segond la norma mistraliana; Occitanie in frances), o Pays d'Oc, l'è l'area storega de l'Europa che la cumprend un bel toch de la Franza del sud indè che l'è parlada giamò da epuch storegh lengua ucitana.
L'Ucitania l'è forsi l'esempi püssee lampant de nazion senza stat, o nazion pruibida. La cumprend 'l sud de la Franza, un toch de Spagna (Val d'Aran e i zonn circundaa da la Catalunia), e i val ucitann del Piemont, arent ai Alp Cozi e i Alp Maritim ins 'l teritori talian.
Tüt insema, quij terr lì i gh'hann pü o men 14 milion d'abitant. Al dì d'incö, dumà un quart de la pupulazion l'è bona da parlà l'ucitan. Quest l'è el resültaa de la pulìtica menada dal Staa centralista fransés, che la ciamen "Vergonha".
