Gine-Bisau

Republica de Gine-Bisau República da Guiné-Bissau
Informa jeneral
Capital:
Lingua ofisial:
Dirije
Governa:
- Xef de stato:
- Xef de governa:
Otras
Area:	km²
Popla:
Densia:
PIB:
Mone:
Zona de ora:
Numero de telefon:
Interede:

Gine-Bisau (ofisial la Republica de Gine-Bisau) es un pais en Africa ueste. Lo covre 36 125 cilometres cuadrida e ave un popla estimada de 1 704 000 persones.

A ves pasada, lo ia es un parte de la rena de Gabu, e ance un parte de la Impero Malian. Partes de esta rena ia persiste asta la sentenio 18, e alga otras ia es renada par la Impero Portuges de pos la sentenio 17. En la sentenio 19, on ia coloni lo como Ginea Portuges.

A sua autonomi, declarada en 1973 e reconoseda en 1974, la nom de sua capital, Bissau, ia es ajuntada a la nom de la pais per preveni confusa con Gine (Gine Franses en la pasada). Gine-Bissau ave un istoria de nonstablia political pos sua autonomi, e no presidente elejeda ia susede completi un periodo de sinco anios.

Sola 14% de la popla parla portuges noncreolida, instituida como la lingua ofisial e nasional. Portuges esiste en un spetro creol con Crioulo, un creol portuges parlada par un dui de la popla (44%) e un cuantia an plu grande parla lo como lingua du; la resta parla linguas african nativa. On trova relijios diversa en Gine-Bissau, sin ce cualce relijio ave un majoria. La Libro de Fatos Mundal de la CIA (2018) dise ce sirca 40% de la popla es muslimes, 22% es cristianes, 15% es animistes e 18% ave relijios otra o nonspesifada. La produida bruta interna per person de la pais es un de la plu basas de mundo.

Gine-Bissau es un membro de la Nasiones Unida, la Uni African, la Comunia Economial de Statos Ueste African, la Organiza de Coopera Muslim, la Comunia de Paises de Lingua Portuges, la Organiza Internasional de Francofonia, e la Zona de Pas e Coopera de la Atlantica Sude, e ia es un membro de la Uni Latina, aora descontinuada.