მაინი

მაინი ვიურცბურგში

მაინი (გერმ. Main) — მდინარე გერმანიაში. რაინის მარჯვენა შენაკადი. სიგრძე 524 კმ, აუზის ფართობი 27,2 ათასი კმ². წარმოიქმნება მდინარეების როტერ-მაინისა და ვაისერ-მაინის შეერთებით; პირველს სათავე აქვს ფრანკონიის ალბის კალთებზე, მეორეს — ფიხტელის მთებში. წყალდიდობა იცის ზამთარში და გაზაფხულის დასაწყისში, წყალმოვარდნები — ზაფხულში. წყლის საშუალო ხარჯი შესართავთან 170 მ³/წმ-ში. სანაოსნოა შესართავიდან 400 კმ-ზე. მაინის აუზი ლუდვიგის არხით უკავშირდება დუნაის წყლის სისტემას. ხეობა მჭიდროდ არის დასახლებული. დიდი ქალაქებია: ვიურცბურგი, მაინის ფრანკფურტი.

ლიტერატურა

• მაინი // ქართული საბჭოთა ენციკლოპედია, ტ. 6, თბ., 1983. — გვ. 363.

რესურსები ინტერნეტში

• მდინარე მაინი დაარქივებული 2013-06-02 საიტზე Wayback Machine. Website on the River Main by the Tourist Board of Franconia. (ინგლისური)