Épifani

Taun Liturgi
Gréja Ritus Kulon
Adven Natal Épifani Mangsa Biasa Mangsa Pra-Paskah Shrove Tuesday Rebo Awu Minggu Suci Minggu Palem Telung dina kang Suci/ Mangsa Sangsara Kemis Putih Jemuwah Adi Setu Suci Paskah Asensi Pentakosta
Gréja Ritus Wétan
Eksaltasi Salib Pasa Natal Natal Teofani Pasa Gedhé Paskah Pentakosta Transfigurasi Sarénipun Theotokos Perlindungan Bunda Allah

Épifani, saka basa Yunani Koine kang tegesé "Manifèstasi" utawa "Mijilé" utawa "Panampilan" yaiku sawijining dina riyaya kaagaman Kristen ing tanggal 6 Januari kang ngriyayakaké wahyu Allah minangka manungsa yaiku Yésus Kristus utawa mijilé/manifèstasi Yésus Kristus marang donya sajeroning wangun wiyosan-Dalem. Sajeroning Gréja Ritus Kulon uga Wétan duwé pamahaman kang padha ngenani Épifani iki yaiku Manifèstasi Yésus Kristus marang donya, nanging ngayati prastawa kang béda. Sajeroning Gréja Kulon, Épifani kanggo mèngeti tekané Wong-wong Majus saka Wétan utawa sok-sok karan Telu Raja, kang nekani Yésus kang nembé waé lair, kang nuduhaké Manifèstasi Bayi Yésus Kristus marang wong Yahudi uga ing sanjabaning bangsa Yahudi (ateges saindhenging donya) minangka Putra Allah. Nanging sajeroning Gréja Wétan kanggo mèngeti pambaptisan Yésus Kristus déning Yohanes Pembaptis ing kali Yordan, kang nuduhaké Manifèstasi Yésus Kristus wiwit miwiti karya Leladi Dalem minangka Putra Allah utawa asring uga karan Téofani.

Sajeroning Gréja Wétan, Épifani uga dadi pucuk riyaya mangsa Natal utawa riyaya Lair Yésus Kristus, kang dipèngeti wiwit saka tanggal 25 Dhésèmber nganti tekan 5 Januari saben taun.