Björk Guðmundsdóttir

Björk
Björk
	Björk árið 2022
Fædd	Björk Guðmundsdóttir; 21. nóvember 1965 (59 ára); Reykjavík, Ísland
Störf	Söngvari; lagahöfundur; tónskáld; upptökustjóri; leikari;
Ár virk	1975–í dag
Maki	Þór Eldon; (g. 1986; sk. 1987); Matthew Barney; (2002–2013)
Börn	2
Foreldrar	Guðmundur Gunnarsson
	Tónlistarferill
Stefnur	Popp; framúrstefna; raf; tilrauna; jaðarrokk;
Hljóðfæri	Rödd; flauta; píanó;
Útgefandi	One Little Independent; Polydor; Universal; Elektra; Atlantic; Nonesuch; Megaforce; RED;
Áður meðlimur í	Sykurmolarnir; Kukl; Tappi tíkarrass; Björk Guðmundsdóttir & tríó Guðmundar Ingólfssonar;
Vefsíða	bjork.com
Undirskrift

Björk Guðmundsdóttir (f. 21. nóvember 1965), best þekkt sem Björk, er íslensk tónlistarkona sem hefur náð alþjóðlegri hylli. Hún hóf tónlistarferil sinn með píanónámi þegar hún var ellefu ára. Ári síðar, eða 1977, kom út platan Björk þar sem hún söng meðal annars þekkt íslensk barnalög. Stuttu síðar fór pönktónlist að hafa áhrif á hana en einnig djasstónlist.

Snemma á ferli sínum var hún í nokkrum pönk- og djass-fusion hljómsveitum. Árið 1983 stofnaði hún ásamt fimm öðrum hljómsveitina KUKL, sem síðan þróaðist út í hljómsveitina Sykurmolarnir. Með þeirri hljómsveit hlaut Björk fyrst heimsfrægð. Þegar Sykurmolarnir hættu árið 1992 hóf hún sólóferil og hefur á honum gefið út 10 plötur, þar af 3 safndiska og einn með tónlistinni við kvikmynd Lars von Triers, Myrkradansarinn, en hún bæði lék aðalhlutverkið og samdi tónlistina við myndina. Björk var tilnefnd til Óskarsverðlauna fyrir lagið „I've Seen It All“ úr Myrkradansaranum árið 2000.

Björk hefur hlotið ýmis verðlaun fyrir tónlist sína, meðal annars Tónlistarverðlaun Norðurlandaráðs árið 1997 og nokkrar tilnefningar til Grammy-verðlauna.

Björk lét húðflúra galdrastafinn Vegvísi á vinstri handlegg sinn.

Foreldrar Bjarkar eru Guðmundur Gunnarsson (f. 1945) fyrrverandi formaður RSÍ og Hildur Rúna Hauksdóttir (1946–2018) hómopati og náttúruverndarsinni.

Plötur

Tappi Tíkarrass

Bitið fast í vitið (1982)
Miranda (1983)

KUKL

Söngull (1983)
Satt 3 (1984)
The Eye (1984)
KUKL í Paris 18.9.84 (1984)
Holidays In Europe (The Naughty Nought) (1986)

Sykurmolarnir

Life's Too Good (1988)
Here Today, Tomorrow, Next Week! (1989)
Stick Around For Joy (1992)
It's-It (1992) (endurhljóðblandanir)

Annað með Sykurmolunum

Sugarcubes Interview Disc (1988)
The Great Crossover Potential (1998) (greatest hits)

Björk

Debut (1993)
Post (1995)
Homogenic (1997)
Vespertine (2001)
Medúlla (2004)
Volta (2007)
Biophilia (2011)
Vulnicura (2015)
Utopia (2017)
Fossora (2022)

Annað

Björk (1977)
Gling-Gló (1990) (með Björk Guðmundsdóttir & tríó Guðmundar Ingólfssonar)
Telegram (1997) (remixes)
Greatest Hits (2002)
Family Tree (2002)
Live Box (2003)
Voltaic (2008)
Bastards (2012)

Ásamt öðrum

„Ooops“ (með 808 State) (1988)
„Qmart“ (með 808 State) (1988)
„Play Dead“ (titillagið úr myndinni The Young Americans) (með David Arnold) (1993)
„My Spine“ (með Evelyn Glennie) (1996)
„Oxygen“ (með Evelyn Glennie) (1996)
„Lilith“ (með Plaid) (1997)
„I've Seen It All“ (með Thom Yorke) (2000)
„Submarine“ (með Robert Wyatt) (2004)