The End of the F***ing World
| The End of the F***ing World | |
|---|---|
| Formato | Comedia negra e drama |
| Desenvolvido por |
|
| Dirixido por |
|
| Intérpretes | |
| Tema de apertura | Graham Coxon |
| País de orixe |  Reino Unido |
| Lingua(s) | Inglés |
| Temporadas | 2 |
| Episodios | 16 (Lista de episodios) |
| Produción | |
| Produtor(es) executivo(s) |
|
| Duración | 19–24 minutos |
| Emisión orixinal | |
| Canle de orixe | |
| Formato de imaxe | |
| Primeiro episodio | 24 de outubro de 2017 |
| Derradeiro episodio | 4 de novembro de 2019 |
| Na rede | |
| https://www.channel4.com/programmes/the-end-of-the-ing-world | |
           | |
| [ editar datos en Wikidata ] | |
The End of the F***ing World é unha serie británica de comedia negra e drama. Está baseada na novela gráfica homónima de Charles Forsman. O primeiro episodio estreouse orixinalmente a través de Channel 4 no Reino Unido o 24 de outubro de 2017, despois do cal os oito episodios da primeira tempada foron estreados en All 4. Netflix encargouse da distribución internacional e lanzouna en todo o mundo o 5 de xaneiro de 2018. Conta a historia de James (Alex Lawther), un rapaz de 17 anos que pensa que é un psicópata, e Alyssa (Jessica Barden), unha compañeira de clase rebelde que ve en James unha oportunidade de fuxir do seu fogar. Gemma Whelan, Wunmi Mosaku, Steve Oram, Christine Bottomley, Navin Chowdhry, Barry Ward e Naomi Ackie aparecen nos papeis secundarios.
A serie está baseada na serie de banda deseñada de Forsman The End of the Fucking World, que foi recollida nun libro no ano 2013. O creador da serie Jonathan Entwistle contactou con el sobre a posibilidade de facer un filme, e creouse unha curtametraxe en 2014. No seu canto, encargouse unha serie de oito episodios, cuxa rodaxe comezou en abril de 2017. Foi escrita por Charlie Covell, e os episodios foron dirixidos por Entwistle e Lucy Tcherniak. En agosto de 2018, a serie foi renovada para unha segunda tempada, que se estreou en Channel 4 o 4 de novembro de 2019, despois do cal os oito episodios foron emitidos en All 4, e internacionalmente a través de Netflix o día seguinte. Covell declarou antes da estrea da segunda tempada que non se produciría unha terceira tempada.
A serie foi louvada polo seu guión, execución e temática, así como polas interpretacións de Lawther e Barden. Foi nomeado nos British Academy Television Award á mellor serie dramática.[1]
Notas
[editar | editar a fonte]- ↑ BAFTA (ed.). "Bafta TV Awards 2018". Consultado o 15 de maio de 2018.
Véxase tamén
[editar | editar a fonte]Ligazóns externas
[editar | editar a fonte]- The End of the F***ing World na IMDb (en inglés).
