Lager pálida

As cervexas do tipo lager pálida ou pale lager son do tipo lager e abarcan unha ampla gama que pode ir dende as pale (en inglés: pálida) até as máis douradas. Todas elas teñen un atenuado sabor a lúpulo. A maioría das cervexas elaboradas na actualidade son deste tipo, e a miúdo empregan diferentes cereais como o arroz ou o millo como adxuntos (grit) para proporcionar corpo á cervexa.

Variantes

Existen diferentes tipos de pale lager (lager pálidas) e inclúen:

Pilsener — Trátase da lager máis orixinal, elaborada orixinalmente na cidade checa de Plzeň; a maioría das pale lagers coa denominación Pilsner teñen un aroma e sabor amargo por mor do lúpulo.
Dortmunder Export — Unha versión máis suave elaborada orixinariamente na cidade alemá de Dortmund no ano 1873.
Helles — Unha versión máis suave da pale lager elaborada en Múnic, orixinariamente era a única competidora contra a Pilsner. Unha versión máis forte da cervexa coñecida como Wiesen ("estilo sabio") substitúe a miúdo ás cervexas de tipo Märzen no Oktoberfest.
Lager de estilo americano — A primeira Lager elaborada en América na parte antiga da cidade de Filadelfia polo cervexeiro John Wagner en 1840 empregando lévedo da súa nativa Baviera.
Cervexa seca - É o estilo máis popular en Xapón, deseñada para minimizar o retro-gusto. É unha cervexa moi pálida e cun extremado sabor a lúpulo.
Spezial - É o estilo máis forte de pale lager, elaborado e servido a miúdo no sur de Alemaña, e presente tamén en Austria e Suíza. Ocupa posición entre a Helles e o Bock en termos de sabor e fortaleza.

Véxase tamén

Bibliografía

Noonan, Gregory J., Mikel Redman and Scott Russell. Seven Barrel Brewery Brewers' Handbook. Ypsilanti, Michigan: G.W. Kent, Inc., 1996. ISBN 1-887167-00-5.

Outros artigos