Glenn Robinson

Glenn Robinson

Biografía
Nacemento	10 de xaneiro de 1973 (51 anos) Gary, Estados Unidos de América
Educación	Theodore Roosevelt High School (en) Universidade Purdue
Altura	201 cm
Peso	102 kg
Actividade
Ocupación	baloncestista
Período de actividade	1994 - 2005
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala
Convocado por	Milwaukee Bucks
Traxectoria   Equipo – Atlanta Hawks – Philadelphia 76ers – San Antonio Spurs 1992–1994 Purdue Boilermakers men's basketball
Familia
Fillos	Glenn Robinson III
Premios
(2005)  NBA Championship ring (en) (1995)  equipo All-Rookie da NBA (1994)  NABC Player of the Year (en) (1994)  Oscar Robertson Trophy (en) (1994)  Sporting News Men's College Basketball Player of the Year (en) (1994, 1993)  NCAA Men's Basketball All-Americans (en) (1994)  Big Ten Conference Men's Basketball Player of the Year (en) (1994)  John R. Wooden Award (en) (1994)  Associated Press College Basketball Player of the Year (en) (1994)  Adolph Rupp Trophy (en) (1994)  Big Ten Athlete of the Year (en) (1994)  Naismith College Player of the Year (pt)  NBA All-Star Game

Glenn "Big Dog" Robinson, nado o 10 de xaneiro de 1973 en Gary, Indiana, é un ex xogador profesional de baloncesto estadounidense retirado en 2005. Con 2,01 metros de alzada xogaba de aleiro.

Traxectoria deportiva

Instituto e universidade

Na súa etapa de instituto conseguiu levar ao seu instituto a gañar o campionato estatal de Indiana, sendo incluído no prestixioso McDonald's All-American Team, que cada ano designa aos mellores xogadores de instituto dos Estados Unidos. Acudiu á Universidade de Purdue, onde permaneceu dous anos, entre 1992 e 1994, sendo, no último ano, galardoado co recoñecido premio Naismith College Player of the Year, ou o que é o mesmo, mellor universitario do ano, tras facer 30,3 puntos e 10,1 rebotes por partido, sendo o mellor da súa conferencia en ambas as categorías.

Profesional

Tras só dous anos como universitario, declarouse elegible no Draft da NBA de 1994, sendo escollido como número 1 por Milwaukee Bucks, asinando un contrato por 10 anos e 68 millóns de dólares. Na súa primeira tempada foi nomeado en dúas ocasións rookie do mes, e finalmente elixido no mellor quinteto de novatos, sendo o que mellor media de anotación tivo entre estes, con 21,9 puntos por partido; a pesar destas estatísticas individuais, (o premio de Rookie do Ano foi outorgado a Jason Kidd e a Grant Hill). En 1996 foi seleccionado para disputar co equipo estadounidense os Xogos Olímpicos de Atlanta 1996, pero non puido participar nos mesmos por mor dunha lesión.

Xunto a Ray Allen e Sam Cassell formou un trío demoledor en Milwaukee, coñecidos como "The Big Three". Foron os artífices de que o seu equipo chegase ás finais da Conferencia Leste en 2001. Robinson é o segundo máximo anotador en toda a historia dos Bucks, excedendo os 20 puntos por partido en 7 das 8 tempadas que permaneceu alí.

Foi traspasado a Atlanta Hawks en 2002, e ao ano seguinte de novo tivo que facer as maletas para ir parar a Philadelphia 76ers, onde se perdeu máis de media tempada por mor dunha grave lesión. Foi traspasado de novo a New Orleans Hornets onde non chegou a xogar, e finalmente foi fichado para reforzar o tiro exterior dos San Antonio Spurs ao final da tempada 2004-2005, conseguindo con eles o seu único anel de campión da NBA. Nas súas once tempadas como profesional conseguiu unhas medias de 20,7 puntos e 6,1 rebotes por partido.

Equipos

• Milwaukee Bucks (1994-2002)
• Atlanta Hawks (2002-2003)
• Philadelphia 76ers (2003-2004)
• San Antonio Spurs (2005)

Logros persoais

• Gañador do premio ao Mellor Universitario do Ano en 1994.
• Elixido no mellor quinteto de rookies en 1995.
• Campión da NBA en 2005.
• Dúas veces All Star.

Véxase tamén

Ligazóns externas

• Perfil en nba.com/historical (en inglés)
• Estatísticas de Glenn Robinson como xogador (en inglés)