2012 VP113

2012 VP113

Aurkikuntza
Aurkitzailea	Scott S. Sheppard (mul) eta Chadwick A. Trujillo
Data	2014ko martxoaren 26a eta 2012ko azaroaren 5a
Kategoria	Sednoide, asteroide eta objektu transneptunotar
Ezaugarri orbitalak
Zeren satelite	Eguzkia
Ardatzerdi handia	273,85487555031 AU
Eszentrikotasuna	0,70591107744711
Orbita-periodoa	1.655.309,253137
Makurdura orbitala	24,022743286803 °
Goranzko nodoaren luzera	90,852155188322
Periastroa	80,537685286446
Periastroaren argumentua	294,06916511339
Ezaugarri fisikoak
Albedoa	0,15
Itxurazko magnitudea	23,4
Magnitude absolutua	4,08

2012 VP₁₁₃ , 2012 VP113 bezala ere idatzia, transneptunotar objektu bat da, 450km inguruko zabalera duena eta izoztuta dagoena. Eguzkitik 12 000 milioi kilometrora kokaturik dago gutxi gorabehera, bere orbitaren punturik urrunena 67 000 milioi kilometrora dago.

2012VP113, izenak dioen bezala, 2012ko azaroaren 5ean aurkitu zen, Cerro Tololoko behatoki interamerikarrean. 4m-ko "Víctor M. Blanco" teleskopioarekin aurkitu zuten eta "Magallanes" teleskopioa (Txileko ''Las Campanas'' behatokiko Carnegie institutuan aurki daiteke) erabili zuten objektu honen orbita eta gainazaleko ezaugarriak zehazteko. Hawaiien kokaturik dagoen Gemini behatokiko Scott Sheppardek eta Chad Trujillok kalkulatu zuten, objektu honek Eguzkiaren inguruan bira bat emateko 4000 urte inguru behar zituela.

Ezaugarriak

2012 VP113ren perihelioa (Eguzkitik hurbilen dagoen unea) Eguzki-sistemako objektu guztien artean dagoen urrunena da. Eduki zuen azken perihelioan, 1979 urtean, Eguzkitik 80 UAra kokatu zen, gaur egun Eguzkitik 83 UA ingurura dago. Perihelioa 47 UA baino urrunago duten lau objektu baino ez dira ezagutzen: Sedna (76 UA), 2004 XR190 (51 UA), 2010 GB174 (48 UA) eta 2004 VN112 (47 UA). Dirudienez, 50-75 UA bitartean objektu gutxi ezagutzea ez da behaketa faltaren errua, seguruenik, bertan, Kuiper gerrikoan dauden objektuen kopuruarekin alderatuta, askoz gutxiago egongo dira, oraindik astronomoek ez dakite zein den objektu faltaren zergatia. 2012 VP113, Oorten hodeiko objektuen kidea dela dirudi.

Astronomoek oraindik ez dakite 2012 VP113ren orbitaren urruntasunaren zergatia nola azaldu. Kuiper gerrikoa baino urrunago dagoen objektu honen orbitaren zergatia azaltzeko, Sednarekin egin den bezala, Bederatzigarren planetaren teoria erabili da. Labur esanda, teoria honek dio Oorten hodeiean planeta handi eta masibo bat dagoela, Lurraren tamaina baino handiagoa duena, eta seguruenik, gasez osaturik dagoena, Neptuno bezala. Plutonetik haratago dauden objektuen orbiten ezaugarriek planeta honen existentzia ahalbidetzen dute eta azkeneko ikerketek diotenez, planeta hau existitzeak zuzenan azalduko lituzke aipatutako objektuen orbita arraroak.

Ikus, gainera

• Transneptunotar objektuak
• Eguzki-sistema
• Cerro Tololoko behatokia
• Chad Trujillo

Kanpo estekak

• 2012 VP113 objektuari buruzko irudiak (Ingelesez)
• 2012 VP113 JPL Small-Body Databasen (Ingelesez)

• Datuak: Q15980607
• Multimedia: 2012 VP113 / Q15980607