Moskovio (elemento)

Bi ↑ Mc Nh ← moskovio → Lv • Rn 5f14 6d10 7s2 7p3 288 Mc 115 • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • • ↓Perioda tabelo de elementoj↓
kemia elemento • sinteza elemento
Ĝeneralaj informoj
Nomo (latine), simbolo, numero	moskovio (moscovium), Mc, 115
CAS-numero	54085-64-2
Loko en perioda tabelo	15-a grupo, 7-a periodo, bloko p
Karakteriza grupo	(nespecifita)
abundeco en terkrusto	0 %
Nombro de naturaj izotopoj	0
Aspekto	ne konata, supozeble argenta metala solido
Atomaj ecoj
Relativa atompezo	288 amu
Atomradiuso	187 pm
Kovalenta radiuso	156 pm
Elektrona konfiguracio	Rn 5f14 6d10 7s2 7p3
Elektronoj en ĉiu energia ŝelo	2; 8; 18; 32; 32; 18; 5
Oksidiĝa nombro	+1, +3
Fizikaj ecoj
Materia stato	solida (supozata)
Kristala strukturo	ne konata
Denseco	13,5 (supozata) g/cm3
Degelpunkto	400 °C (673,15 K)
Bolpunkto	1100 °C (1373,15 K)
Diversaj
Joniga energio	538,3 (supozata) kJ/mol
Izotopoj
Izotopo Naturapero t1/2 radioaktiveco de disfalo Energio de disfalo MeV Produkto de radioaktiva disfalo 288Mc sinteza 164 ms α 10,41 284Nh
Se ne estas indikite alie, estas uzitaj unuoj de SI kaj SVP.

Moskovio (antaŭe konata kiel ununpentio) estas la dumtempa nomo de IUPAC por sinteza superpeza kemia elemento en la perioda tabelo kiu havas la intertempan simbolon Uup kaj la atomnumeron 115.

La nomo moskovio estas oficiala ekde la fino de 2016.

Historio

Je la 2-a de februaro de 2004, teamo de rusaj sciencistoj el Centra Instituto por Atomkerna Esploro ĉe universitato de Dubna kaj usonaj sciencistoj el Nacia Laborejo Lawrence Livermore anoncis la sintezon de moskovio kaj ununtrio en ĵurnalo Physical Review C. Dum tiu eksperimento laŭ ili estis kreitaj kvar ununpenti-atomoj, kiuj ene de sekunderoj defalis en ununtri-atomoj. La teamo asertis, ke ili pafis americion (elemento 95) sur kalcion (elemento 20) produktante kvar atomojn da moskovio (elemento 115). Post malpli ol sekundo, ili malkombiniĝis al ununtrio (elemento 113). Ununtrio daŭris 1,2 sekundojn antaŭ ol malkombiniĝi al naturaj elementoj.

Je la 31-a de Januaro 2006 estis anoncite, ke svisaj esploristoj uzis plibonigitan metodon por krei 15 ununpenti-atomojn.

Moskovio en popola kulturo

Oni teoriis, ke moskovio estis en insulo de stabileco. Verŝajne tial, ĝi estis menciita ofte en popola kulturo antaŭ la sintezo:

• Inter anoj de konspirteorio pri NIFOj de la 1980-aj kaj 1990-aj jaroj, Bob Lazar asertis, ke moskovio funkciis kiel brulaĵo pro NIFOj, kaj estis pliigita al ununheksio per partikla bombado, kaj ke la falprodukto de ununheksio inkluzivigis kontraŭmaterion. Tiuj ideoj estas pseŭdoscienco laŭ nuna fiziko.
• Aludo al la konspirteorio estas en ludoserio X-COM: Elemento elerium-115 aŭ nur elerium (Elerium-115 estas nenorma nomo, ĉar la nombro signifus la atompezo anstataŭ la atoma numero, elerium havus neniom da neŭtronoj, kio ne eblas).
• Fikcia stabila izotopo de moskovio aperas en ludo Dark Reign.
• Fikcia stabila izotopo de "elemento 115" funkciigas la tempomaŝinon en televidprogramo Seven Days.