İd, ego u superego

Kamiya viri.

İd, ego u superego, psikoanalitiki ra gore viri vırazenê. Heme inan viria merduman de fonksiyon vênenê.

İd kamiya verêna, kamiya peysermendiya. Rıçıkê xo xoweşkerdış, zewqgırewtış ra gêno. İd miyan de seks, veyşan u teyşan biyayene u ê binan ca gênê.

Ego zi oyo ke mezgê merdumi çı wazeno se, ey ano. İd u mezg miyan de stabilite vırazeno. İd be fonksiyonê xo merdum teber ra şevekneno, paweno. Freud ra gore testkerdış, xoşeveknayış, sentezê zanışiye u fonksiyonê viri naca ra bestiyenê.

Superego zi be waştış u kerdışê idi dano pıro. Çiyê ke hewl u weş nêvêniyenê, superego merdumi inamkerdış ra dûri tepışeno.

Ornagên, merdum esto ke veyşano, pereyê cı zi çıniyo. İd merdum rê vano ke "çiyê bıtırawe, yanê dızdêni bıke, çunke tı veyşanê." Superego zi vano ke "metırawe; dızdiye, tırıtene rınd niya wa veyşan be u veyşaniye ra bımıre, hema dızdêni meke." Ego zi vano ke "raveri merduman ra desteg bıwaze, eke merdumi to rê çiyê nêdanê se o taw bıtırawe".