talvezout
Brezhoneg
Etimologiezh
- Savet diwar ar ger henvrezhonek tal « paeañ » hag ar verb bout « bezañ ».
- Meneget er C'hatolikon (taluout).
- Da geñveriañ gant ar gerioù kembraek tâl « paeamant, gwerzh » ha kerneveurek talvez « talvoudegezh ».
Verb
talvezout /tal.ˈveː.(z)ut/ (displegadur) (talvezet)
- Talvezout un dra bennak, talvezout arc'hant, kement hag udb : talvout, koustañ .
- Pegement a dalvez ur vag evel homañ ? — (Jules Gros, Le trésor du breton parlé Deuxième Partie, 1970, p. 501.)
- Ur garrigell a dalvez ouzhpenn mil lur. — (Jules Gros, Le trésor du breton parlé Deuxième Partie, 1970, p. 501.)
- A-raok ar bloavezh 14, e talveze ar gwinizh war-dro daouzek pe zaouzek lur ha pemp gwenneg ar sac'had a gant lur, hag an amann triwec'h gwenneg al lur. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 230.)
- Na dalvezout kalz, nemeur, netra.
- Ha petra bennak m' o doa bet an tad hag ar vamm kalz a aked da virout na glevje pe oad en doa, ne dalvezas netra an dra-se dezho, [...]. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 38.)
- Mevelien ar vro-mañ ne dalvezont ket daou liard toull ! — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 207.)
- talvezout da un dra bennak : servijout da un dra bennak, da ober evel un dra bennak, pe evel unan bennak
- Ne gavin biken en nep lec’h unan da dalvezout da vamm, — (Fañch an Uhel, Kontadennoù ar Bobl/1, Al Liamm, 1984, p. 93.)
- Ur c'hastell kozh e oa, en un enezenn e-kreiz ur stêrig, bet savet gwechall da zifenn harzoù Breizh, ha bremañ hanter ziskaret, ar vein kouezhet en dour o talvezout da bont evit tremen war an douar. — (Roparz Hemon, Mari Vorgan, Al Liamm, eil emb. 1975, p. 82.)
- talvezout da un den : servijout da unan bennak.
- - Un tok burzhudus, hag a dalvezo dimp ; [...]. — (Fañch an Uhel, Kontadennoù ar Bobl/1, Al Liamm, 1984, p. 31.)
- Ar bugel-mañ a dalv kalz din er gêr. — (Jules Gros, Le trésor du breton parlé Deuxième Partie, 1970, p. 501.)
- talvezout da un den da ober udb : servijout da un den da ober un dra bennak.
- ..., o vezañ ma talvez alies, d'un den ampart hag a oar an tu, da ziskarañ e enebour war e zaoulin ha d'e zibradañ diouzh an douar. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 36.)
- talvezout un dra bennak da un den bennak:
- — « Mar deo un tammig digristen, ne dalvezo ket deomp tan an ifern. » — (Jakez Riou, An Ti Satanazet, Skridoù Breizh, 1944, p. 75.)
- (H)en talvezout da unan bennak: (implijet e troiennoù da c'hourdrouz un den; gourdrouz dial)
- — It atao, dispac'herien fallakr ha digaloun, eme-ve dign va-unan, m'hen talvezo d'eoc'h ! — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 67.)
- — [...] ? Gortozit, bremaik ni hen talvezo d'eoc'h. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 81.)
- — Kea atao, persoun Gall, m'hen talvezo d'id... [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 148-149.)
- — « [...], m' hen talvezo dezhañ, pe e vezo diaes. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 140.)
- Talvezout da un den ober un dra :
- N'eus ket talvezet dit ober kafe ken kreñv-se. — (Jules Gros, Le trésor du breton parlé Deuxième Partie, 1970, p. 502.)
- N'eo ket talvezet dezhi kaout ar gentel-se ... . — (Jules Gros, Le trésor du breton parlé Deuxième Partie, 1970, p. 502.)
Stummoù all
Troioù-lavar
- talvezout ar boan ober un dra
- na dalvezout un aval brein, un aval put, ur bramm, ur bramm kelien, ur c'horniad (butun), ul louf ki, ur bilhenn, ur spilhenn, vioù brein, ur vrennigenn...