Mont d’an endalc’had

bezañ

Ur pennad eus ar Wikeriadur, ar geriadur liesyezhek frank a wirioù.

Brezhoneg

Etimologiezh

Meneget er C'hatolikon (bezaff).

Savet diwar bez- (e bezout), kelf verb eus an adstumm bout, hag an dibenn anv-verb -añ dre analogiezh. Gwelet bout.

Da geñveriañ gant ar verboù bod ha bydd- en kembraeg, bos en kerneveureg.

Verb

bezañ /ˈbeː(z)ã/ (displegadur)

bout; an anv-verb a glot gant ar stummoù-mañ (e-touez re all): on, out, eo, emañ, edo, bezan, hag a zo bet an anv-gwan-verb anezhañ.
- Trist eo bezañ paour.
- Karout hep bezañ karet A zo kriz ha kalet. Krennlavar.
- N'haller ket bezañ ha bezañ bet. Krennlavar.
- -Petra a ra d’an dridi bezañ treut? -Kalz emaint war nebeud. Divinadell.
- Gwelloc'h bezañ mezv evit bezañ sot: an hini mezv a zivezvo, an hini sot ne zisodo ket. Krennlavar.
- bezañ o vont
- bezañ bet
- bezañ er-maez
- o vezañ ma
bezañ ec'h eo : bez' ez eo
- bezañ ec'h omp : bez' ez omp
bezañ ez eus : bez' ez eus
bezañ zo : bez' ez eus
bezañ emañ; bezañ emaint : bez' emaint
bezañ e vez
- bezañ oa; bezañ e vo
dirak ar verb kaout: bezañ em eus, ... bezañ hon eus, bezañ o deus; ... bezañ o devez; bezañ en devo, bezañ hon devo; bezañ o devoa...

Stummoù all

bout, bezout (ral), bez'.

Troidigezhioù

alamaneg : sein ^(de)
euskareg : da ^(eu) , izan ^(eu)
finneg : olla ^(fi)
galleg : être ^(fr)
gresianeg : είμαι ^(el) (íme)
hungareg : lenni ^(hu)
italianeg : essere ^(it) , stare ^(it)
kembraeg : bod ^(cy)

kerneveureg : bos ^(kw)
nederlandeg : zijn ^(nl) , wezen ^(nl)
okitaneg : èsser ^(oc) , estar ^(oc)
poloneg : być ^(pl)
portugaleg : ser ^(pt) , estar ^(pt)
saozneg : be ^(en)
spagnoleg : ser ^(es) , estar ^(es)

Anv-kadarn

bezañ /ˈbeː(z)ã/

→ Termenadur da glokaat (Ouzhpennañ)

Troidigezhioù

galleg : entité ^(fr)

Troioù-lavar

Adtapet diwar « https://br.wiktionary.org/w/index.php?title=bezañ&oldid=329753 »