ཁང་ཞི། (གོང་མ།)

ཁང་ཞི་(༡༦༥༤-༡༧༢༢)(རྒྱ་སྐད།: 康熙帝)ནི་ཆིང་རྒྱལ་རབས་ཀྱི་གོང་མ་སྐད་གྲགས་ཅན་ཞིག་ཡིན། ཁོང་གིས་དངོས་སུ་སྲིད་བསྐྱངས་རྗེས། ཐོག་མར་ནང་འཁྲུག་ཞོད་འཇགས་སུ་བཏང་བ་དང་ཐའི་ཝན་ཕྱིར་བླངས་ཏེ་ཆིང་གི་སྲིད་དབང་སྲ་བརྟན་དུ་བཏང་། ཐེངས་གསུམ་ལ་སྐུ་དངོས་ཀྱིས་དམག་དཔུང་བཏེགས་ནས་སོག་པོའི་ཇུན་གར་འཁྲུག་ཟིང་མནན། ཆབ་སྲིད་དང་དཔལ་འབྱོར་གྱི་ཐད་ནས། ཁོང་གིས་རྒྱུགས་ལེན་ལམ་ལུགས་ལག་བསྟར་བྱས་པ་དང་། རྒྱ་ནག་གི་མཁས་མཛངས་མི་སྣ་སྲིད་ལ་ཞུགས་པར་ཐུགས་བཀོད་མཛད། དེ་མིན་ད་དུང་ས་རྒོད་སློག་པ་དང་ཆུ་བེད་འཛུགས་སྐྲུན་བྱེད་པ་ལ་བྱ་དགའ་དང་། དཔྱ་ཁྲལ་ཉུང་འཕྲི་སོགས་ཀྱི་བྱེད་ཐབས་སྣ་ཚོགས་དེ་ཡིས། "ཁང་ཆན་རྫོགས་ལྡན་དུས་བཟང་"བསུ་བར་རྨང་གཞི་བཟང་པོ་བཏིངས།^[༡]