Мускавіт

Мускавіт
Формула	KAl2(AlSi3O10)(OH)2
Сінгонія	Манаклінная, зрэдку трыганальная
Колер	Бясколерны, шэры, ружаваты, жаўтаваты, зеленаваты
Колер рысы	Белая
Бляск	Шкляны
Цвёрдасць	2—3
Шчыльнасць	2,8—2,9 г/см³

Мускаві́т — мінерал групы слюд, складаны гідрааксід-алюмасілікат калію, KAl₂[AlSi₃O₁₀](OH)₂.

Назва паходзіць ад англ.: muscovite, утворанага з англ.: Muscovy, ад старажытнай назвы Расіі Масковія, адкуль мускавіт быў завезены ў краіны Еўропы.

Крышталізуецца ў манакліннай, зрэдку трыганальнай сінганіях. Утварае кароткаслупкаватыя і пласціністыя крышталі, ліставатыя, лускаватыя і іншыя агрэгаты. У тонкіх пласцінах бясколерны, у больш тоўстых набывае шэрае, ружаватае, жаўтаватае, зеленаватае адценні. Бляск шкляны, на плоскасцях спайнасці перламутравы і серабрысты. Цвёрдасць 2—3. Шчыльнасць 2,8—2,9 г/см³.

Мінерал магматычнага і метамарфічнага паходжання.

Выкарыстоўваецца ў будаўнічай, хімічнай, фарфоравай, электра- і радыёпрамысловасці.

Літаратура

• Мускавіт // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).