Звонкі
Зво́нкі[1] — картачная масць чырвонага колеру ў форме ромба ў стандартных ігральных картах французскай калоды[2].
Этымалогія
[правіць | правіць зыходнік]Арыгінальная французская назва масці — «каро» (фр.: сarreau) ўзыходзіць да лацінскага слова «quadrum», якое азначае «квадрат» ці «прамавугольнік»[3]. Беларуская назва паходзіць ад слова «званочкі», таму што на картах адпаведнай масці былі памаляваныя іменна званочкі[4]. Такі выгляд (ням.: Schellen) захоўваецца ў нямецкай і швейцарскай калодах. Усходнеславянскае бу́бня (бу́бы, бу́бна, бубня́[4]; руск.: бу́бны, укр.: бу́бна) лічыцца запазычаннем з чэшскага «bubny», якое азначае літаральна «званочкі»[4]. Але ўкраінскі мовазнавец Яраслаў-Багдан Рудніцкі, услед за Іванам Агіенкам і іншымі, лічыць гэта не запазычаннем, а ўтварэннем прама ад бу́бен[5][4].
Апісанне
[правіць | правіць зыходнік]Звонкі звычайна маюць ромбападобную форму — паралелаграм з чатырма роўнымі бакамі. Бакі часам злёгку закруглены, што робіць сімвал падобным на астроіда. Часцей за ўсё звонкі малююцца чырвонымі, аднак у брыджы яны могуць быць сінімі, а ў турнірнай калодзе ската маюць жоўты ці аранжавы колер.
У галерэі ніжэй паказаны звонкі французскай калоды з 52 карт.
-
-
2 -
3 -
4 -
5 -
6 -
7 -
8 -
9 -
10 -
-
-
Цікавыя факты
[правіць | правіць зыходнік]У Расійскай імперыі зняволеныя насілі на адзенні знак у выглядзе жоўтага ромба, які называлі «званковы туз» (бубновый туз)[6].
Коды сімвала масці пры наборы тэкстаў
[правіць | правіць зыходнік]Юнікод — U+2666 і U+2662
- ♦ ♢
HTML — ♦ (або ♦) і ♢
- ♦ ♢
Крыніцы
[правіць | правіць зыходнік]- ↑ звонкі // Тлумачальны слоўнік беларускай мовы : у 5 т. / АН БССР, Інстытут мовазнаўства імя Я. Коласа; пад агульнай рэдакцыяй К. К. Атраховіча (К. Крапівы). — Мінск: Беларуская Савецкая Энцыклапедыя, 1977―1984.
- ↑ Карты игральные // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
- ↑ Wolfgang Pfeifer: Etymologisches Wörterbuch des Deutschen. 8. Auflage. Deutscher Taschenbuch Verlag, Munich, 2005, ISBN 3-423-32511-9.
- ↑ а б в г Бу́бня // Этымалагічны слоўнік беларускай мовы / Нацыянальная акадэмія навук Беларусі,. — Мінск: Навука і тэхніка, 1978―.
- ↑ Rudnyc’kyj J. В. An etymological dictionary of the Ukrainian language. Vol. 1-2. Winnipeg, 1962—1982.
- ↑ Мехельсон М. И. бубновый туз (на спине) // Русская мысль и речь. Своё и чужое. Опыт русской фразеологии. Сборник образных слов и иносказаний. — СПб.: типография Академии наук, 1896—1912.
Спасылкі
[правіць | правіць зыходнік]
На Вікісховішчы ёсць медыяфайлы па тэме Звонкі
