Marie Antoinette
| Marie Antoinette | |||||
|---|---|---|---|---|---|
 Retrato ni Marie Antoinette, 1775 | |||||
| Queen consort of France | |||||
| Panahon kan Kapanyarihan | 10 Mayo 1774 – 21 Septyembre 1792 | ||||
| Iminundag | 2 Nobyembre 1755 Hofburg Palace, Vienna, Archduchy of Austria, Holy Roman Empire | ||||
| Nagadan | 16 Oktobre 1793 (edad 37) Place de la Révolution, Paris, Enot na Repulika nin Pransya | ||||
| Pigburol | 21 Enero 1815 Basilika nin St Denis | ||||
| Isyu | |||||
| |||||
| Harong | Habsburg-Lorraine | ||||
| Amá | Francis I, Holy Roman Emperor | ||||
| Iná | Maria Theresa | ||||
| Relihiyon | Katolisismo Romano | ||||
| Pirma |  | ||||
 Eskudo de Armas ni Marie Antoinette nin Austria | |||||
Si Marie Antoinette Josèphe Jeanne (/ˌæntwəˈnɛt, ˌɒ̃t-/;[1] Pranses: [maʁi ɑ̃twanɛt] (
dangogon); née Maria Antonia Josepha Johanna; 2 Nobyembre 1755 – 16 Oktobre 1793) an pinakaultimong Reyna nin Pransya bago an Rebolusyon Pranses. Siya namundag Arkidukesa nin Austria, asin siya an pinakanguhod na aking babae ni Empress Maria Theresa asin ni Emperador Francis I. Siya nangagin dauphine nin Pransya kan Mayo 1770 sa edad na 14 kan ikinasal ki Louis-Auguste, tagamanang sunod sa trono nin Pransya. Kan 10 Mayo 1774, an saiyang agom nasa'ngat sa trono bilang Louis XVI asin ta siya nangagin reyna.
An kamugtakan ni Marie Antoinette nagrahay na gayo kan, pakalihis walong taon na kasal, siya nagpoon nang mangaki. Nagbaba saiyang popularidad sa mga tawo huli sa pagduhagi sa saiyang pagkatawo (paagi kan sinasabing mga libelles na nagtataboga saiya bilang masamwang, bastos, asin pa nakikisimpatiya sa mga kaiwal kan nasyon, orog na an kinamundagan niyang Austria— asin sinasabi pa an saiyang mga aki mga ilitehimo. An pekeng akusasyon saiya dapit sa Affair of the Diamond Necklace biyo na nakaraot kan saiyang dangog. Durante kan Rebolusyon, siya nabansagan na Madame Déficit huli ta saiya ibinasol an krisis sa pinansya kan nasyon sa saiyang masamwang asin magastong pagbubuhay-buhay asin pa an pagkokontra niya sa mga reporma sosyal asin pinansyal na pigtutulod ninda Turgot asin Necker.
Magkapiraqng mga pangyayari an itinakod ki Marie Antoinette durante kan Rebolusyon kan an gobyerno ikinaag sa pag'aaresto an pamilya real sa Palasyo Tuileries kan Oktobre 1789. An Hunyo 1791 na pagngata' na pagdulag sa Varennes asin an saiyang papel sa Gera nin Enot na Koalisyon orog na nakaraot sa saiya sa popular na opinyon kan mga Pranses. Kan 10 Agosto 1792, an pag'atake sa Tuileries nagpirit sa pamilya real na mag'pa-ili sa Asambliya, asin ta sinda pigkulong sa Temple Prison kan 13 Agosto. Kan 21 Septyembre 1792, pig'anunsyo an Proklamasyon nin pag'abolisar nin monarkiya. Si Louis XVI pig'ehekutar paagi nin guillotine kan 21 Enero 1793. An kaso ni Marie Antoinette nagpoon kan 14 Oktobre 1793; siya nasentensyahan pakalihis duwang aldaw kan Tribunal Rebolusyonaryo nin pagtraydor asin ipinagadan paaging guillotine, sa Place de la Révolution.[2]
Toltolan
[baguhon | baguhon an source]- ↑ Jones, Daniel (2003) [1917], Peter Roach; James Hartmann; Jane Setter, eds., English Pronouncing Dictionary, Cambridge: Cambridge University Press, ISBN 978-3-12-539683-8.
- ↑ https://www.britannica.com/biography/Marie-Antoinette-queen-of-France. Kinua 07-09-22.
- Marie Antoinette
- Mga 1755 na kamundagan
- Mga 1793 na kagadanan
- Mga Ika-18ng siglong mga Austriano
- Mga Ika-18ng siglong mga Pranses
- Ika-18ng siglong mga Aleman
- Mga Ika-18ng siglong mga babaeng Austriano
- Mga Austrianong prinsesa
- Mga Austrianong Katoliko Romano
- Mga ilinubong sa Basilika nin Saint-Denis
- Mga Dauphine nin Pransya
- Mga Pranses na pinagadan paagi nin guillotine durante kan Rebolusyon Pranses