Renostervoël

Renostervoël
'n Rooibekrenostervoël (Buphagus erythrorhyncus) in die Sabi Sand-wildreservaat, Suid-Afrika.
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Passeriformes
Familie:	Buphagidae/Sturnidae
Genus:	Buphagus
Spesies
Buphagus africanus Buphagus erythrorhynchus

Die twee spesies renostervoëls (genus Buphagus) word deur sommige dierkundiges tot die spreeus (genus Sturnidae) gereken, terwyl ander hulle in 'n afsonderlike familie, Buphagidae, klassifiseer. Hulle het krommer snawels as spreeus en geboë kloue wat baie skerp is.

Twee geelbekrenostervoëls (Buphagus africanus) op 'n kwagga

Renostervoëls word gewoonlik in die aanwesigheid van groot wildsbokke en beeste aangetref. Hulle leef hoofsaaklik van die bosluise wat hulle van die diere se vel pik. Die grysbruin voëls kom net in Afrika voor en word verteenwoordig deur die rooibekrenostervoël (Buphagus erythrorhyncus), wat 'n rooi snawel het, en die geelbekrenostervoëls (Buphagus africanus), wat 'n geel snawel met ’n rooi punt het.

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (gegroepeer)
• Lys van Suider-Afrikaanse voëls volgens wetenskaplike name

Bronnelys

• Wêreldspektrum, 1982, ISBN 0-908409-67-2, volume 26, bl. 124

Eksterne skakels

• Wikimedia Commons het meer media in die kategorie Renostervoël.

• Wikispecies het meer inligting verwant aan Renostervoël
• (en) "Oxpecker". Encyclopædia Britannica. Besoek op 20 Augustus 2019.