Parkour

Parkour is 'n moderne, nie-kompeterende sport wat fokus op elegante en effektiewe beweging in 'n stedelike omgewing. Die doel is om so vinnig moontlik te beweeg oor struikelblokke en daarom word die sport gekenmerk deur bewegings soos om te spring, om te duik en om te klouter. Puriste glo dat parkour gaan oor die beweging van punt A na punt B op die mees effektiewe manier en dus is die ideaal om in 'n reguit lyn te beweeg. Die naam parkour is immers afkomstig van die Franse woord "parcours" wat pad beteken. Daar word deesdae egter flambojante en waaghalsige beweginge in die sport ingesluit om die gevoel van vryheid wat die sport bied uit te beeld.