Eksotiese atoom
’n Eksotiese atoom is ’n andersins gewone atoom waarin een of meer subatomiese deeltjies vervang is deur ’n ander deeltjie met dieselfde lading. ’n Elektron kan byvoorbeeld vervang word deur ’n ander negatiewe deeltjie soos ’n muon (muon-atoom) of pion (pion-atoom).[1][2] Omdat hierdie vervangende deeltjies gewoonlik onstabiel is, het tipiese eksotiese atome ’n baie kort leeftyd.
’n Hadron-atoom is ’n atoom waarin die elektrone vervang is deur ’n gelaaide hadron.[3] Moontlike hadrone sluit in mesone soos die pion of kaon.
Onium
[wysig | wysig bron]’n Onium is die gebonde toestand van ’n deeltjie en sy antideeltjie. Die klassieke onium is die positronium, wat bestaan uit ’n elektron en ’n positron wat gebonde is in ’n metastabiele toestand. Positronium word sedert die 1950's bestudeer om die gebonde toestande in die kwantumveldteorie te verstaan. Pionium is ’n gebonde toestand tussen twee pione met ’n teenoorgestelde lading.
Muonium is, ondanks sy naam, nie ’n onium wat uit ’n muon en antimuon bestaan nie, omdat dié naam gebruik word vir ’n stelsel wat uit ’n antimuon en ’n elektron bestaan. Die vervaardiging van ’n muon/antimuon-gebonde toestand, wat ’n onium is, is egter teoreties moontlik.[4] Net so is tauonium die gebonde toestand van ’n tau en ’n elektron.
Sien ook
[wysig | wysig bron]Verwysings
[wysig | wysig bron]- ↑ § 1.8, Constituents of Matter: Atoms, Molecules, Nuclei and Particles, Ludwig Bergmann, Clemens Schaefer, and Wilhelm Raith, Berlin: Walter de Gruyter, 1997, ISBN 3-11-013990-1.
- ↑ Exotic atoms Geargiveer 22 Desember 2007 op Wayback Machine, AccessScience, McGraw-Hill. URL besoek op 26 September 2007.
- ↑ p. 3, Fundamentals in Hadronic Atom Theory, A. Deloff, River Edge, New Jersey: World Scientific, 2003. ISBN 981-238-371-9.
- ↑ [1] DOE/SLAC National Accelerator Laboratory (2009, June 4). Theorists Reveal Path To True Muonium – Never-seen Atom. ScienceDaily. URL besoek op 7 Junie 2009.
Eksterne skakel
[wysig | wysig bron]
Hierdie artikel is vertaal uit die Engelse Wikipedia
