Modimolle–Mookgophong Plaaslike Munisipaliteit

Modimolle–Mookgophong

Provinsie

Limpopo

Distriksmunisipaliteit

Waterberg

Tipe

Plaaslike Munisipaliteit

Munisipale kode

LIM368

Burgemeester

Aaron Sebolai^[1] (ANC)

Hoofstad

Modimolle (Nylstroom)

Grootste tale

Noord-Sotho, Afrikaans, Tsonga

Area

10 367 km²

Bevolking

107 699 (2011)

Die Modimolle–Mookgophong Plaaslike Munisipaliteit is 'n plaaslike munisipaliteit in die Waterberg-distriksmunisipaliteit in die Limpopoprovinsie van Suid-Afrika. Dit het ontstaan nadat Modimolle en Mookgophong Plaaslike Munisipaliteite saamgesmelt het op 8 Augustus 2016.

Die hoofsetel van die munisipaliteit is in Modimolle.

Politieke verteenwoordiging

Die munisipale raad bestaan uit agt-en-twintig lede wat deur gemengde-lede proporsionele verteenwoordiging verkies word. Veertien raadslede word in nege wyke as algehele wenners verkies, terwyl die oorblywende veertien uit partylyste gekies word, sodat die totale aantal partyverteenwoordigers eweredig is aan die aantal stemme wat ontvang is.

Tydens die verkiesing van 3 Augustus 2016 het die African National Congress (ANC) dertien setels in die raad verower, maar nie 'n algehele meerderheid behaal nie. Op 23 Augustus 2016 het die raad Marlene van Staden, die burgemeesterskandidaat van die Demokratiese Alliansie (DA), as die nuwe burgemeester verkies. Op 2 Desember 2021 is Van Staden herverkies as burgemeester, deur die opskiet van 'n muntstuk, nadat sy en die ANC-kandidaat, Aaron Sebolai, na tweekeer se stemming steeds 14 stemme elk gekry het.^[2]

Die onderstaande tabel toon die uitslag van die 2016-munisipale verkiesing in beide Modimolle en Mookgophong.^[3]^[4]

Party	2016 Stemme				Setels
Party	Wyk	Lys	Totaal	%	Wyk	Lys	Totaal
African National Congress	13,764	13,650	27,414	47.6	11	2	13
Demokratiese Alliansie	6,763	7,130	13,893	24.1	3	4	7
Ekonomiese Vryheidsvegters	5,625	5,578	11,203	19.4	0	6	6
Vryheidsfront Plus	1,684	1,705	3,389	5.9	0	2	2
Mookgophong Party	393	360	753	1.3	0	0	0
Congress of the People	142	339	481	0.8	0	0	0
Onafhaklike kandidate	395	–	395	0.7	0	–	0
Pan Africanist Congress of Azania	60	30	90	0.2	0	0	0
Totaal	28,826	28,792	57,618	100.0	14	14	28
Bedorwe stemme	341	428	769

Verwysings

↑ ANC’s Aaron Sebolai elected mayor in hung Modimolle-Mookgophong Municipality (Engels). SAUK Nuus (13 Julie 2023). URL besoek op 13 Julie 2023.
↑ Marietie Louw-Carstens (2 Desember 2021). "Burgemeester uiteindelik met opskiet van muntstuk aangewys". Netwerk24. Besoek op 2 Desember 2021.
↑ "Results Summary – All Ballots: Modimolle" (PDF). Independent Electoral Commission. Besoek op 23 Augustus 2016.
↑ "Seat Calculation Detail: Modimolle" (PDF). Independent Electoral Commission. Besoek op 23 Augustus 2016.

[1] ANC’s Aaron Sebolai elected mayor in hung Modimolle-Mookgophong Municipality (Engels). SAUK Nuus (13 Julie 2023). URL besoek op 13 Julie 2023.

[2] Marietie Louw-Carstens (2 Desember 2021). "Burgemeester uiteindelik met opskiet van muntstuk aangewys". Netwerk24. Besoek op 2 Desember 2021.

[3] "Results Summary – All Ballots: Modimolle" (PDF). Independent Electoral Commission. Besoek op 23 Augustus 2016.

[4] "Seat Calculation Detail: Modimolle" (PDF). Independent Electoral Commission. Besoek op 23 Augustus 2016.

[1]

[2]

[3]

[4]