Levantynse See
| Levantynse See | |
|---|---|
 Ligging van die Levantynse See | |
 Kaart van die Levantynse See | |
| Koördinate: | 34°N 34°O / 34°N 34°O |
| Ligging: | Egipte, Griekeland, Israel, Libanon, Palestina, Siprus, Sirië, Turkye |
| Soort: | See van die Middellandse See |
| Oppervlakte: | 320 000 km² (120 000 myl²) |
| Maksimum diepte: | 4 384 m (14 383 vt) |
| Invloei: | Nylrivier |
| Eiland/e: | Siprus |
| Nedersettings: | Alexandrië, Beiroet, Gasa, Tel Aviv |
Die Levantynse See is die oostelike deel van die Middellandse See.[1][2] Dié see van die Middellandse See is tussen Anatolië in die noorde, Wes-Asië in die ooste en Noord-Afrika in die suide geleë.
Dit grens in die noordweste aan Griekeland, in die noorde aan Turkye, in die weste aan Sirië, Libanon, Israel en Palestina, asook in die suide aan Egipte. In die noordweste sluit die Egeïese See en in die suidweste die Libiese See aan. Die eiland Siprus is in die Levantynse See geleë. Die see is genoem ná die Levantgebied langs die ooskus.
Van die belangrikste hawestede rondom die Levantynse See sluit in Alexandrië in Egipte, Beiroet in Libanon, Gasa in Palestina en Tel Aviv in Israel. Die belangrikste rivier wat in die see uitmond is die Nylrivier. Sedert 1869 word die Levantynse See deur die Suezkanaal met die Rooisee verbind.
Die Levantynse See is sedert antieke tye al 'n belangrike handelsgebied. Van die eerste handelsmagte was die Fenisiërs, wat rondom die see, maar ook orals in die Middellandse See handel gedryf het.
Gedurende die Oudheid is die gebied tussen die Karpatiese See en die Egiptiese kus Mare Aegyptum of Egiptiese See genoem.[3] Die gebied langs die ou Fenisië of die huidige lande Sirië, Libanon, Israel en Palestina is die Fenisiese See[4] of in Latyn, Mare Phoenicium genoem.[5]
Verwysings
[wysig | wysig bron]- ↑ (en) Gacic, Miroslav; Bensi, Manuel (10 Desember 2020). Ocean Exchange and Circulation. MDPI. p. 7. ISBN 978-3-03936-152-6.
- ↑ (en) Ashwarya, Sujata (3 Mei 2019). Israel’s Mediterranean Gas: Domestic Governance, Economic Impact, and Strategic Implications. Taylor & Francis. p. 2. ISBN 978-0-429-53623-6.
- ↑ (de) Handbuch der alten Geographie, Leipzig 1844, bl. 21
- ↑ (en) Carte de la Méditerranée du VIIe au Ve siècle av. J.-C.: Mer de Phénicie
- ↑ (en) William Smith, LLD, Ed.: Dictionary of Greek and Roman Geography (1854), PHOENI´CIA
Eksterne skakels
[wysig | wysig bron]
Wikimedia Commons het meer media in die kategorie Levantynse See.
