梅花鹿

  提示：呢篇文講嘅唔係花鹿。

How to read a taxobox 梅花鹿
喺香港嘉道理農場影嘅梅花鹿乸
瀕危指標
Least concern (LR/lc)
物種分類
界 動物界 Animalia 門 脊索動物門 Chordata 綱 哺乳綱 Mammalia 目 偶蹄目 Artiodactyla 科 鹿科 Cervidae 屬 鹿屬 Cervus 種 梅花鹿 C. nippon
二元學名
Cervus nippon Temminck，1838年
亞種
C. n. dybowskii （=C. n. hortulorum?） 山西亞種 C. n. grassianus 滿州亞種 C. n. hortulorum 琉球亞種 C. n. keramae 華南亞種 C. n. kopschi 華北亞種 C. n. mandarinus 指名亞種 C. n. nippon 台灣亞種 C. n. taioanus 北海道亞種 C. n. yesoensis

梅花鹿（Cervus nippon），係鹿科鹿屬嘅成員，分佈響東亞。範圍由西伯利亞至到韓國、中國東部同越南；喺日本同台灣等西太平洋島嶼都有分佈，但台灣種被認為係由外地引嚟作畜牧用。

日本種梅花鹿主要分佈喺北海道，19世紀曾經被捕獵到幾乎絕種。直到20世紀中開始立法保護，族群先至喺1950年代到1980年代快速恢復。因為冇乜天敵（日本狼，已經絕種），國民開始以狩獵嚟控制族群，限制鹿群對農業嘅傷害。

特徵

同大部分鹿科一樣，得公至有角，角柄粗短。角開始時唔分叉，要去到2-3歲時先至分叉。夏天嗰時啲毛係紅褐色，背脊中間有條暗褐色縱紋，兩邊各綴有廿幾粒白色斑點。

食物

以樹葉同草本植物為主，但亦會食羊齒植物，蕈類等，鹽分亦係梅花鹿必須攝取嘅成分。

養殖動向

梅花鹿曾先後被引入到澳洲、歐洲同美國。原先嘅目的係作為公園裝飾用嘅動物，但而家好多都變咗野化種。中國養鹿已經有好耐歷史，早喺周文王年代，曾經起咗一個名為「智慧之園」嘅地方，嗰度養咗梅花鹿作狩獵之用。

因為梅花鹿嘅身體部分（鹿角同心臟）可以用嚟入藥，所以有啲地方（例如中國北方）梅花鹿不停遭到捕殺。

台北市立動物園係以梅花鹿作為園徽，係因為台灣本土嘅野生梅花鹿因為受人類活動嘅影響而喺野外絕種，園方保存咗少量嘅梅花鹿，希望喺適當嘅時機再將佢哋放返野外。

喺香港，1980年代曾經有人遺棄 3 隻梅花鹿，後來被運往防止虐畜會（而家嘅香港愛護動物協會）。而荔園動物園同香港海洋公園分別養過梅花鹿，前者已再冇記錄，後者喺1992年被運去嘉道理農場暨植物園度養，總共15隻，但係喺2005年棚舍俾流浪狗闖入，2隻鹿公遇襲死亡，另有5隻鹿受傷，其中2隻因傷重而要人道毀滅，所以新鹿苑已改往農場較高處，舊有棚舍已改養馬騮。

相

• 
  梅花鹿嘅亞種（C. n. dybowskii）
• 
  日本動物園所養嘅梅花鹿

睇埋

• 中國哺乳動物
• 台灣哺乳動物