尼古丁

尼古丁係隻生物鹼，見於茄科草木，由根整出來，儲喺葉度，用處係防蟲，防昆蟲食葉。所以舊時人會借尼古丁防蟲。尼古丁含量多，以煙草最出名。

低量嘅尼古丁，哺乳動物來講，係種興奮劑。呢個就係食煙上癮嘅主因，煙癮就係尼古丁癮。尼古丁比海洛英同可卡因，更易上癮，更加難戒。煙仔嘅尼古丁，含量越來越高，年年多千分之十六，戒煙越來越難。尼古丁亦改變身體化學物質，令人更易可卡因上癮。