აპიანე
| აპიანე ალექსანდრიალი | |
,_Paris,_BN,_Lat._5786.jpg) ხასჷლა ლათინურო თანგილი "რომიშ ისტორია"-შე | |
| დაბადებაშ თარიღი: |
დოხოლაფირო 95 |
|---|---|
| დაბადებაშ აბანი: | |
| ღურაშ თარიღი: |
დოხოლაფირო 165 (70 წანერი) |
| ღურაშ აბანი: | |
| ერუანობა: | |
| საქვარუა: | |
| Magnum opus: |
რომიშ ისტორია |
| ნინა: | |
აპიანე ალექსანდრიალი (ბერძ. Ἀππιανὸς Ἀλεξανδρεύς, ლათ. Appianus Alexandrinus; დ. დოხოლაფირო 95 — ღ. დოხოლაფირო 165) — ბერძენი ისტორიკოსი.
დებადჷ ალექსანდრიას. აპიანეშ მასქერეფი რომიშ მენოღალეეფი რდეს. თის ჯგირი გონათაფა მეუღებუ. უკინებუდჷ შხვადოშხვა პოსტეფი. დოხოლაფირო 120 წანას რომიშა მიდართჷ, სოდეთ ადვოკატო მუშენდჷ. ანტონინუს პიუსიშ იმპერატორობაშ ბორჯის, 147 წანას აპიანე ქჷდანიშნეს პროკურატორო (ფინანსური საქვარეფიშ ხემანჯღვერი) ეგვიპტეს, მარკუს კორნელიუს ფრონტონიშ რეკომენდაციათ.
აპიანეშ შანულამი ნახანდი რე "რომიშ ისტორია", ნამუთ რე ბერძენული ნინაშა ჭარილი დო იკათუანდჷ 24 წინგის. თინა გოგინძორაფილი ისტორია ვარე, დო უმოსი მოგენს მონოგრაფიეფიშ კათელს. ნახანდის მოჩამილიე ინფორმაცია შხვადოშხვა კათეფიშ დო ქიანეფიშ გეშა, უჯვეშაში პერიოდიშე თინეფიშ რომიშ იმპერიაშ აკოდგინალუაშა მიშულაშა.
13-17 დუდეფი ეთმოჭარუნს რომიშ ისტორიას ჯიმალეფი გრახკუსეფიშე, უკულ გაიუს მარიუსიშ, სულაშ, იულიუს კეისარიშ დო გნეუს პომპეუს მაგნუსიშ ომენოღალე ლჷმეფს, თხობელუა ჭყორდუ მაჟირა ტრიუმვირატიშ ბორჯის. ჸათე ხუთი წინგის (13-17) უღუ კაბეტი შანულობა ისტორიოგრაფიაშო, მუშენდა თინეფი ეჭარუნს რომიშ სახენწჷფოშ რესპუბლიკაშე იმპერიაშა გინულას.
აპიანეშ შხვა ნახანდეფიშე ნამუქჷთ ჩქინი ბორჯიშა მაჭირინუ, ეიოშანალი რე "ურცხოული ლჷმეფი". ჸათაქ მოჩამილიე რომიშ ლჷმეფი ესპანეთის, პუნიკური ლჷმეფი იტალიას დო აფრიკას, ლჷმეფი სელევკიდეფიშ იმპერიაწკჷმა დო მითრიდატული ლჷმეფი. ნახანდიშ ჭიჭე გინოსქილადირი ფრაგმენტეფი თაშნეშე ეთმოჭარუნს რომიშ ლჷმეფს სამნიტეფიწკჷმა, ილირიალეფიწკჷმა, მაკედონიარეფიწკჷმა, ნუმიდიარეფიწკჷმა დო გალეფიწკჷმა.