ანდჰრა-პრადეში
| ქიანა |  ინდოეთი
|
| სტატუსი | შტატი |
| ადმინ. ცენტრი | ვიჯაიავადა |
| შხუ ნოღა | ვიშაქჰაპატნამი |
| შხუ ნოღეფი | ვიჯაიავადა, ტირუპატი |
| მადუდე | გუბერნატორი: ეკადუ სრინივასან ლაკშმი ნარასიმჰანი თარი მინისტრი: ჩარა ჩანდრაბაბუ ნაიდუ |
| ოფიც. ნინეფი | ტელუგუ, ურდუ |
| მახორობა (2011) |
49 665 533 (10-ა აბანი) |
| ფართობი | 160 205 კმ² |
| |
| ბორჯიშ ორტყაფუ | UTC+5:30 |
| კოდი ISO 3166-2 | IN-AP |
| ოფიციალური ვებ-ხასჷლა | |
|
ანდჰრა-პრადეში |
ანდჰრა-პრადეში (ტელუგ. ఆంధ్ర ప్రదేశ్, Āndhra Prādesh IAST, ურდუ آندھرا پردیش , ჰინ. आन्ध्र प्रदेश, ინგლ. Andhra Pradesh) — ინდოეთიშ 29 შტატიშე ართ-ართი, იდვალუაფუ ქიანაშ ობჟათე-ბჟაეიოლი წყარპიჯიშ მანგას. შტატიშ ნანანოღა — ვიჯაიავადა. ჰინდიშე გჷნოთანგუათ ზიტყვა "პრადეში" - "ოლქის, რეგიონს" შანენს, "ანდჰრა" — თი კათაშ ჯოხოდვალას, ნამუთ თე ტერიტორიას ოხორანდჷ ჩქ. ეკ.-შახ.
გეოგრაფია
[რედაქტირაფა | წყუშ რედაქტირაფა]
შტატიშ ტერიტორიაშ ფართობი 275 069 კმ² (4-ა აბანი). შტატი დეკანიშ გაბარიშ ბჟაეიოლი ნორთის დო ბჟაეიოლი გჰატიშ ბჟაეიოლშე მადვალუ რზენეფს იკენს. ბჟაეიოლი გჰატი, ანდჰრა-პრადეშიშ შტატის ოორუეშე ობჟათეშა ჟირო გჷთმორთჷნს, ნამუთ ფორილიე ტროპიკული ტყალეფით. დეკანიშ გაბარს ჩანარობა ძალამ მერკეთი რე, ჩანს ქვერჩხონეფი. შტატიშ ბჟადალ დო ობჟათე-ბჟადალ ნორთის უმოსო სქირე კლიმატი რე. შტატიშ წყარპიჯი რზენეფი ოფუტეშ მეურნეობაშ თარი რეგიონს წჷმარინუანს. კლიმატი შანულამო დამოკიდებულიე რეგიონშა, მუსონეფს დიდი გოლინა უღჷ შტატიშ ედომუშამი ტერიტორიას. შტატიშ ბჟაეიოლშე მადვალუ რზენეფს უმოსი მეტი ტემპერატურა რე, შხვა რეგიონეფწკჷმა ელაზჷმაფათ.
შტატიშ თარი წყარმალუეფი: გოდავარი, კრიშნა, პენარი დო ტუნგაბჰადრა.
მახორობა
[რედაქტირაფა | წყუშ რედაქტირაფა]შტატიშ ოფიციალური ნინა რე ტელუგუ, ნამუშათ მახორობაშ 83 % იჩიებუ. შტატის შხვა ნინეფს შქას წჷმორინაფილი რე: ურდუ (8,63 %), ჰინდი (3,23 %), ტამილური (1,01 %), მარათჰი (0,8 %), კანადა (0,74 %), ორია (0,44 %), მალაიალამური (0,08 %)[1]. ტელუგუ — ანდჰრა-პრადეშიშ თარი ეთნიკური ბუნა რე, ნამუთ დრავიდეფს ორხველჷ.
შტატიშ მახორობაშ 88,3 % — ინდუისტეფი (ვიშნუშ კულტი), 9,16 % — მუსულმანეფი, 1,7 % — ქირსიანეფი.
შტატიშ 6 ნოღას მახორობაშ მუდანობა 1 მილიონშე მეტი რე, რანწკი ნოღეფი მახორობაშ 1 მილიონიანი მუდანობას მითმიანჭჷ. გიმე წჷმორინაფილი რე შტატიშ უდიდაში ნოღეფიშ ერკენული 2007 —2010 წანეფიშ მეჯინათ
- ჰიდარაბადი — 3 637 000 ადმ. (აგლომერაციას — 6 290 000)
- ვიშაქჰაპატნამი — 3 845 000 ადმ.
- ვიჯაიავადა — 1 411 100 ადმ.
- ვარანგალი — 1 356 000 ადმ.
- ტირუპატი — 1 237 000 ადმ.
- გუნტური — 1 025 000 ადმ.
- რაჯამანდრი — 968 000 ადმ.
- ნელორი — 827 000 ადმ.
მახორობაშ მუდანობაშ დინამიკა:
- 1961: 35 983 000 ადმ.
- 1971: 43 503 000 ადმ.
- 1981: 53 550 000 ადმ.
- 1991: 66 508 000 ადმ.
- 2001: 75 727 000 ადმ.
- 2011: 84 655 533 ადმ.
ოქიანუეფი
[რედაქტირაფა | წყუშ რედაქტირაფა]
შტატის იდვალუაფუ მიარე მუდანობაშ რელიგიური დო გჷთახვამალი ოქიანუეფი. ტირუმალი ვენკატეშვარიშ ოხიდა ნოღა ტირუმალის, ჩიტურიშ ოლქი — ინდუისტეფიშ ართ-ართი შანულამი გჷთახვამალი აკანი ინდოეთის. მაჟირა შანულამი აკანი — სიმჰაჩალამიშ ოხიდა, ნამუთ იდვალუაფუ ქჷნდჷრს, ვიშაქჰაპატნამიშ ოორუეშე 20 კმ.-ს.
ინდური კოსმოდრომი შრიჰარიკოტა იდვალუაფუ კინე თე ჯოხოდვალაშ კოკის, ნამუთ ანდჰრა-პრადეშიშ შტატის ორხველჷ.
გონათუა
[რედაქტირაფა | წყუშ რედაქტირაფა]ანდჰრა-პრადეშის იდვალუაფუ 28-შე უმოსი უმაღალაში ოგურაფუე.
რესურსეფი ინტერნეტის
[რედაქტირაფა | წყუშ რედაქტირაფა]- Andhra Pradesh Tourist Map
- Andhra Pradesh government Official Portal
- Andhra Pradesh Legislative Assembly Archived 2006-03-23 ვებ-ხასჷლას Wayback Machine. Andhra Pradesh Legislative Assembly Live
- Andhra Pradesh Portal on The Indian Analyst Detailed information, index of News, Analysis, and Opinion from many sources
სქოლიო
[რედაქტირაფა | წყუშ რედაქტირაფა]- ↑ Distribution of 10,000 Persons by Language — India, States and Union Territories – 2001. Office of the Registrar General & Census Commissioner, India (2001). კითხირიშ თარიღი: 16 June 2010.
| ||||||||||