Andhra Pradesh es un dels 28 estats de la Republica d'Índia, situat dins la part sud-èst del país. Es lo uèiten pus grand estat d'Índia, cobrissent una superfícia de 162 975 km2. Segon lo recensament de 2011, es le desen Estat pus poblat, amb 49 386 799 abitants. Amaravati n'es la capitala, situat en riba sud de la ribièra Krishna. La pus granda vila es Visakhapatnam. Lo telogo, una de las lengas classicas d'Índia, e la lenga oficiala d'Andhra Pradesh.
La part nòrd-oèst d'Andhra Pradesh foguèt separada per formar l'estat novèl de Telangana lo 2 de junh de 2014, e Hyderabad, la capitala de longa data d'Andhra Pradesh, foguèt transferida a Telangana dins l'encastre de la division. Pasmens, conformament a la lei de 2014 sus la reorganizsacion d'Andhra Pradesh, Hyderabad deviá demorar la capitala interimària dels Estats d'Andhra Pradesh e de Telangana pendent un periòde de mens de detz ans.
Andhra Pradesh a un litoral de 974 km, lo segond pus long litoral dels Estats indians, après Gojarat, amb una juridiccion sus prèp de 15 000 km2 d'aigas territorialas. L'Estat es bordat per Telangana al nòrd-oèst, Chhattisgarh e Odisha al nòrd-èst, Karnataka a l'oèst, Tamil Nadu al sud e a l'èst se trapa la baia de Bengala. La pichona enclava de Yanam, un districte de Pondichery, se trapa al sud de Kakinada dins lo dèlta de Godavari sul costat èst de l'Estat.
Índia
