Vagaršapat

Vagaršapat
Վաղարշապատ

Lidnanznam	Flag
Valdkund	Armenii
Eläjiden lugu (2019)	46,200 ristitud
Pind	40 km²
Telefonkod	+374-(0)231
Aigvö	UTC+4

Lidnan kart (1990)

Vagaršapat (armen.: Վաղարշապատ [vɑʁɑɾʃɑˈpɑt] Vagaršapat) om lidn Armenijan päivlaskmas. Mülüb Armaviran agjaha, Jerevanan kaikiš suremb ezilidn.

Istorii

Eländpunktan aluz om pandud 2. voz'sadal EME Vardkesavan-nimitusenke. Suren Armenijan Vagarš I-carin aigan (140-nded voded) ümbärtihe lidnad seinäl, i se oli valdkundan pälidnaks 2.-4. voz'sadoil. Vll 1945−1992 lidnan oficialine nimi oli Ečmiadzin (armen.: Էջմիածին [ɛt͡ʃʰmjɑˈt͡sin]), se kävutase avaros tähäsai.

Vagaršapat šingotase ladimensauvondan tegimel, sauvondmaterialiden pästandal i sömtegimištol (vinankombinat, konservtegim). Nevondkundaližen aigan niiden ližaks pästtihe suveniroid, plastmassoid, metalližid koditegesid.

Geografijan andmused

Lidn sijadase agjan päivnouzmaiženno röunanno, Araratan tazangištol, 853 m ü.m.t. keskmäižel korktusel. Matkad Jerevanhasai om 20 km päivnouzmha.

Klimat om ven kuivahk. Voden keskmäine lämuz om +12,1 C°, heinkun-elokun +25 C°, tal'vkun-uhokun 0..−3 C°. Paneb sadegid 301 mm vodes, enamba semendkus (51 mm), vähemba heinkus-sügüz'kus (12..16 mm kus).

Eläjad

Vl 2011 lidnan eläjiden lugu oli 46 540 ristitud. Kaikiš suremb ristitišt oli 60 tuhad eläjid vl 1990.

Üläopendusen aluzkundad oma «Grigor Lusavorič»-universitet medkolledžanke (radab vspäi 1995) i Hengeline Gevorgän-seminarii (vai ph. Jurgijan, 1874−1917, 1945—).

Irdkosketused

• Lidnan oficialine sait (ejmiatsin.am). (arm.) (angl.)