Linmaping

Valdkund:	Kazmused
Palakund:	Änikkazmused (Magnoliophyta)
Klass:	Kaksidülehtesižed (Magnoliopsida)
Kund:	Astränikoižed (Asterales)
Sugukund:	Puzuänikoižed (Asteraceae)
Heim:	Ping (Sonchus)
Erik:	Linmaping

Latinankel'ne nimi

Sónchus oleráceus L., 1753

Sistematik
Vikierikoiš

Kuvad
Vikiaitas

ITIS 38427

NCBI 50207

Linmaping (latin.: Sonchus oleraceus) om Puzuänikoižed-sugukundan üks'vozne heinäsine kazmuz. Mülüb pingun heimho, sen tipine erik.

Leviganduz

Kazmuz om levitadud avaros Evrazijadme, om invazivižeks erikoks Avstralijas da toižiš mail'man paloiš. Levigandeb ottud kävutamižhe ristitul mahusil.

Navedib päivoikahid sijid. Voib kazda mahusiden toižendoiden enambusel.

Ümbrikirjutand

Kazvab 25..100 santimetrhasai, seikh voib olda barboikahan. Lehtesed oma jagadud piikoikahanke röunanke, išttas seikhel vardeta.

Linmaping änikoičeb kezakuspäi sügüz'kuhusai (Pohjoižes mapoliškos). Änikod oma germafroditižed, niiden pölüstoitajad oma mezjäižed i kärbhaižed päpaloin.

Äikerdoičese kanttud vedel i tulleil semnil, ei voi kazda muretud juren paloišpäi.

Kävutand

Medenkandai kazmuz. Travii rujohein pöudoil. Maižanduzživatad södas linmapingad tahtonke, lambhad navettäs lujas sidä.

Voib otta norid lehtesid ližadamha keitoshe, štihe i salatha, edel pidadas keitandsolan segoiteses pol'časud heitmaha karktust. Voib keitta da söda linmapingan jurid, niiden magu om magrušan pojav.

Homaičendad

Linmaping Vikiaitas