Montadin

Vila d'Occitània

Montadin
Montady

Montadin e son puèg

Armas

Geografia fisica

Coordenadas

43° 19′ 53″ N, 3° 07′ 18″ E

Superfícia

9,95 km²

Altituds
· Maximala
· Mejana
· Minimala

113 m
40 m
10 m

Geografia politica

Lengadòc

França

Càsols de Besièrs (Cabestanh abans 2015)

Intercom
243400488

CC de la Domícia

Cònsol

Alain Castan
(2020-2026)

Geografia umana

Populacion
Populacion totala
(2018)

3 939 ab.

Evolucion de la populacion

4 012 ab.

Densitat

405,43 ab./km²

Autras informacions

Gentilici

montadinenc -enca;
montadivenc -enca

Còde postal

34310

Còde INSEE

34161

Estanh de Montadin dempuèi lo puèg d'Ausseruna

Montadin^[1]^[2] (Mountadi en grafia mistralenca^[3]; Montady en francés) es una comuna de Lengadòc situada dins lo departament d'Erau e la region d'Occitània, ancianament de Lengadòc-Rosselhon.

Los gentilicis son montadinenc -enca e montadivenc -enca^[1].

Geografia

Clima

Lo clima de la comuna es de tipe mediterranèu: los estius son cauds e secs, los automnes plujoses e los ivèrns doces.

Perimètre del territòri

Comunas confrontantas de **Montadin**
	Maurelhan
Cabestanh		Besièrs
	Pòlhas Nissa d'Ausseruna	Colombièrs

Toponimia

Las fòrmas ancianas son : Raimundi Petri de Montadino en 1097, castello de Montadino, abans 1105, Arnaldus de Montadia en 1129, castris de Montadi en 1149-1150, castrum de Monte Adino (varianta : Monteadino) en 1155, Montadino en 1199, 1323, al sègle XVI, en 1636, Moutardier en 1622, Montadi en 1643, 1708, Montadin en 1740-1760, Montady en 1771-72 (mapa de Cassini). Montadin es a l'origina del puèg (puòg ?) de Montadin, del riu de Montadin e de l'estanh de Montadin, assecat al sègle XIII, stagnum de Montadino en 1347-1375, Etang de Montady en 1771-1772 (mapa de Cassini)^[4].

Segon Dauzat e Rostaing, Montadin vendriá del latin mons, montis, o de son resultat en occitan mont, amb doble sufixe -atum e -inum ^[5]; segon Hamlin, Montadin ven de Mont e del nom germanic d'òme Atinus (Mlle Morlet)^[4].

Delamarre senhala un nom celtic d'òme Atinus, de ātinā, « lo forn, lo fornèl »^[6], sense cap referéncia a Montadin.

Istoria

Faits istorics

Lo puèg situat al còr del vilatge es tresplombat per una torre feudala del sègle XII (rèstas d'un castèl uèi desaparegut).

L’estanh de Montadin foguèt abans un palun saumastre d'aigas estadissas, causa de fòrça epidemias. En 1247, l'archavesque de Narbona balhèt la possibilitat a quatre proprietaris de començar los trabalh per l’assecar.

En 1270 foguèron cavats de valats de forma originala, coma de rais de solelh, que tornèron 420 ectaras de tèrra espleitabla. Divèrsas culturas se succediguèron sus las parcèlas triangularas. Lo malhum de canals permet d'assecar las aigas del bòrd cap al centre. Dempuèi aquí, un valat cavat de contra penjal, passa par la galariá cavada jol puèg d’Ausseruna - longa de 1300 mètres, cap d'òbra dels artesans de l'Edat Mejana - mana las aigas fins al riu de Clavilonga.

Administracion

Lista dels cònsols successius
Periòde		Identitat	Etiqueta	Qualitat
març de 2008	2026	Alain Castan	divèrs esquèrra	quadre superior
març de 1989	2008	Jean-Paul Sost	PS
1971	1989	Célestin Marty	PS
	1971
Totas las donadas non son pas encara conegudas.