Kvitsjøen

Kvitsjøen
bukt
Land	Russland
Del av	Polhavet
Kvitsjøen 65.8°N 39°E / 65.8; 39
Kart som viser Kvitsjøen. Kart som viser Kvitsjøen.
Wikimedia Commons: White Sea

Kvitsjøen (russisk Белое море, Beloje More; finsk Vienanmeri) er ei bukt i Barentshavet på nordvestkysten av Russland. Ho er omgjeven av Karelia i vest, Kolahalvøya i nord og Kaninhalvøya i nordaust.

Hamnebyen Arkhangelsk ligg ved Kvitsjøen. Gjennom store delar av russisk historie har dette vore det største senteret for internasjonal sjøhandel i Russland, utført av dei såkalla pomorane frå Kholmogory. I moderne tider har området vore ein viktig sovjetisk marine- og ubåtbase. Kvitsjø-Austersjø-kanalen går frå Kvitsjøen til Austersjøen.

Heile Kvitsjøen er under russisk kontroll og vert rekna som russisk indre farvatn.

Det er fire store bukter i Kvitsjøen. Frå vest til aust er desse Kandalakshabukta, Onegabukta, Dvinabukta og Mezenbukta.

Øyar

Det er særs mange øyar i Kvitsjøen, men dei fleste av dei er små. Den største øygruppa i Kvitsjøen er Solovetskijøyane, som ligg nesten midt i området. Kijøya i Onegabukta er historisk viktig på grunn av klosteret som står her. Velikijøya, som ligg nær kysten, er den største øya i Kandalakshabukta.

Kjelder

• Denne artikkelen bygger på «White Sea» frå Wikipedia på engelsk, den 8. august 2008.
  • Wikipedia på engelsk oppgav desse kjeldene:
• Plassering

Bakgrunnsstoff

• Portrait of the Whitehavet offered by the Baltichavet Portal Arkivert 2006-12-09 ved Wayback Machine.

Wikimedia Commons har multimedia som gjeld: Kvitsjøen