Tupac Shakur
Tupac Amaru Shakur (* 16. Juni 1971 in Brooklyn, New York City, New York as Lesane Parish Crooks; † 13. September 1996 in Las Vegas, Nevada), ok bekannt ünner siene Künstlernaams 2Pac un Makaveli, weer en vun de US-amerikaanschen Rappers, de in'e ganze Welt an'n besten ankamen sünd. He hett mehr as 120 Mio. mol siene Musik verköfft un hett ok dat eerste Dubbelalbum in de Geschicht vun de Hip-Hop-Musik rutbröcht. Ok nadem he dootschaten wurrn is, weert de Upnahmen vun sien Musik ut dat Archiv goot verköfft. Just todaag is al dat teinte Album to kopen, dat na sien Dood rutkamen is.
Leven
[ännern | Bornkood ännern]Tupac Shakur siene Mudder Afeni Shakur hett dor Last mit harrt, ehren Söhn ünner de Ümstänn uptotehn, so as de weern. Sienen Vadder hett he gor nich kennenlehrt. Sien Steefvadder weer Dr. Mututlu Shakur. Dat weer de Broder vun de Striedersche för de Börgerrechten, Assata Shakur. He weer ok de Vadder vun Tupac siene Halfsüster. Düsse Mann is vunwegen en Banköverfall to 60 Johr achter Trallen veroordeelt wurrn. De gröttsten Deel vun siene Jöögd hett Shakur mit siene Mudder und siene Halfsüster in New York tobröcht. Dor sünd se jummers woller bi ümtagen. Siene Öllern möken bi de Black-Panther-Bewegen mit. Dor hett Shakur later as en Rapper ok sien Naam Tupac Amaru vun her, wat een Strieder för de Freeheit vun dat Indianervolk vun de Inka weer.
1986 is Afeni Shakur mit jem ehre Kinner na Baltimore, Maryland hentagen. Dor leven tomeist witte Nabers, de to dat Börgerdom tohören döen. Dor besöch Shakur de Baltimore School for the Arts. He hett bi Kursen in Literatur un Ballett mitmaakt un lees veel un speel Theater. In düsse Tiet füng he ok mit dat Rappen an. Vunwegen, dat he ut en anner soziale Klass afstammen dö, stünn he dormols en beten buten vor. Man he hett doch jummers seggt, de Johren in Baltimore, dat weern de glücklichsten Johren vun sien Leven. He meen, em güng dat doch beter, as de annern Jungs in siene Naberschop un he begreep ok, wie wichtig dat weer, dat he sik utbillen leet. Man al 1988 söch siene Mudder nee Arbeit un so güng dat hen na de Westküst na Marin City in Kalifornien. Dor hett se Shakur de Wuddeln mit utreten. He söch jummers een, den he as sien Vadder ankieken konn un möss nu wedder umtrecken. Shakur hett later süms seggt, düsse Umtog un ok, dat he dorüm denn de School afbraken harr, dat weer, vun achterher bekeken, de Punkt „where I got off track“ („wo ik up de verkehrte Spoor kamen bün“).
In de Ghettos vun Oakland in Kalifornien keek he hooch na de Luden un Drogenhökers, de in sien Quartier so veel Geld verdenen. He versöch denn ok, Drogen to hanneln. Man in düsse Tiet keem he ok mit Lüde ut dat Musikgeschäft tohopen. De hefft em denn toeerst mol as Roadie, Dänzer un amenn ok as Rapper bi de Rapgrupp Digital Underground ünnerbröcht. Vunwegen den Digital-Underground-Titel „Same Song“ hett he denn ok sienen eersten Verdrag kregen bi de Firma Interscope Records. 1991 hett Shakur sien eerstet Album 2Pacalypse Now rutgahn laten. Twee Johr later folg Strictly 4 My N.I.G.G.A.Z. Ok in en Reeg vun Filmen is Shakur uptreden.
Dood
[ännern | Bornkood ännern]An'n 7. September 1996 is Tupac Shakur in Las Vegas anschaten wurrn. Vördem harr he sik mit Suge Knight un en Reeg vun annere Frünnen en Boxwettstriet in dat MGM Grand Hotel ankeken. As he mit en swarten BMW 750i, wo he in sitten dö, an ene rode Ampel an de Eck East Flamingo Road/Koval Lane stünn, is up dat Auto schaten wurrn. Veer Kogeln hefft de Riepen dörslahn, fief sünd dör de Biföhrerdöör neiht un dree jögen dör de Finsterschieven. Shakur is vun en ganze Reeg vun Schööt drapen wurrn, unner annern in de Bost. Suge Knight, de ok in den Wagen seten hett, is an'n Kopp strepen wurrn. Tupac Shakur is an'n 13. September an de Wunnen, de he vun de Schööt afkregen hett, in'n Sükenhuus storven.[1]
Wat för Platten he rutbröcht hett
[ännern | Bornkood ännern]
Alben[ännern | Bornkood ännern]
Na sien Dood
Compilations, Bootlegs un Features[ännern | Bornkood ännern]
|
|
Bi düsse Filmen hett he mitmaakt
[ännern | Bornkood ännern]
|
|
Düsse Videos gifft dat vun em
[ännern | Bornkood ännern]
|
|
Weblenken
[ännern | Bornkood ännern]
- Offiziell Websteed (engelsch)
- TASF – Tupac Amaru Shakur Foundation (engelsch)
- Tupac Shakur bi laut.de
Belegen
[ännern | Bornkood ännern]- ↑ Rolling Stone Magazine:Bury Me Like a G - The Short Death and Violent Life of Tupac Shakur Up: www.rollingstone.com. 30. August 2008, 15:00 Uhr