نجیب بقیله

نجیب بوقیله مقوم Mayor of San Salvador (en) (13) ۱ مه ۲۰۱۵ – ۱ مه ۲۰۱۸ → Norman Quijano (en) – Ernesto Muyshondt (en)  ← — السالوادور رییس‌جمهور (43) ۱ ژوئن ۲۰۱۹ – → سالوادور سانچز سرن (fa) شخصی معلومات بزا-روز 24 ژوئیه 1981 سان سالوادور (en) بزا نوم Nayib Armando Bukele Ortez ملیت السالوادؤر گپ‌بزن زوون ایسپانیولی — انگلیسی پیشه‌ئون سیاستمدار خوداشتغال (fa) تاثیرگذار (fa) دیگر معلومات تخصصی رشته سیاست دین یکتاپرستی (fa) سیاسی حزب Farabundo Martí National Liberation Front (en) (۲۰۱۲ – ۲۰۱۷) Nuevas Ideas (en) (۲۰۱۷ – ) Grand Alliance for National Unity (en) (۲۰۱۸ – ۲۰۲۳) Democratic Change (en) (۲۰۱۸ – ۲۰۱۸) جوایز  Order of Juan Mora Fernández (en) (۲۰۲۴)  هدا بئی کاستاریکا  تایم ۱۰۰ (fa) (۲۰۲۱)  افتخاری دؤکتؤرا (۲۰۱۹)

نجیب بُقیله که وه ره ناییب بوکیله هم گنّه، اتا السالوادوری سیاستمدار هسته که ونه تبار فلسطین ِمسیحیون جه هسته. وه اول کشورِ حاکمِ حزب دله عضو بیّه و دِ دور پشت‌هم ونه سر رأی هدانه که سن سالوادور ِشهردار بیّه ولی حزب جا سیوا بیّه و ژوئن ۲۰۱۹ شه اتا نو ائتلاف بساته که بعد از چندین سال دِ قطبی انتخابات سیستم ره له بدا و اتا جدیدِ حزب جه رییس جمهور بیّه. وه دومین کش، فوریه ۲۰۲۴ انتخابات دله ریاست جمهوری وسه کاندید بیّه و مردم بیش از هشتاد درصد، ونه سر رأی بدانه.

نجیب بقیله پییر اتا مسیحی خانواده بینه که اورشلیم دله دئینه ولی ونه پییر بعداً مسلمون بیّه. ونه مار هم مسیحی خانواده داشته و ونه ماجان کاتولیک و شاه‌با اورتودکس بی‌یه. وه اتا جهود زنا جه ازدیواج هاکرده و اتا کیجا، لیلا نوم، دارنه. ونجه اتا عکس تنک بیّه که مکزیکوسیتی دله اتا مسجد درون نماج کنده. زمونی که بورده اسرائیل هم ندبه دیفار وَر دعا بخونسته. ولی شه باته که هیچ دینی ره گِس ندنه و صرفاً خدا ره باور دارنه.

ونه ریاست جمهوری دوره اتا طرح هدا که بیت کوین ره برسمیت بشناسی‌یه و این کریپتو کارنسی ره خِدپرداز (ATM) دستگاه جه تونه السالوادور دله استفاده هاکنن. وه طرح هدا که اتا شهر هم بیت کوینِ حول بساجن. اتا کار دیگه که هاکرده و اسم درهاکرده، این بی‌یه که آمریکایی‌شون جه قرض-قول هاکرده تا پولیس ره تجهیز هاکنه و مخالفون وه ره بکوبستنه. السالوادور سال‌های سال ویشترین مرگ و میر و تیراندازی ِآمار ره جهون دله داشته. وه پولیس ره تقویت هاکرده و گانگسترون جه اعلام جنگ هاکرده. در عرض چند سالی که وه رییس‌جمهور بی‌یه، آدم بکوشتن آمار خله خله کمتر بیّه ولی بعضی حقوق بشری سازمانون و متحد ملل سازمان پولیس ِجنایت ره محکوم هاکردنه که نجیب بوقیله گنه وشون خله نازک‌نارنجی هستنه و این همه نخش شرایط که دارمی ره نوینّه. وه حتا دستور هدا که گانگسترونی که وشون قَورِ سَر بارگاه بسات بینه ره خراب هاکنن و رقد بدن و این کار ره نازی آلمان ِسیاستمدارون ِقَورِ له بدائن جه مقایسه هاکرده.

نجیب بقیله خارجی امور مئن، آمریکای متحده ایالات جه نزدیک هسته و چین خلق جمهوری جه هم رابطه دارنه. وه لاتین آمریکا دله اتا دست‌راستی سیاستمدار بشناسی بیّه و همینسه مادورو (ونزوئلا رییس)، اورتگا (نیکاراگوئه رییس) و کاسترو (هندوراس رییس) ره دیکتاتور بخوندسته و پرو دله پدرو کاستیو ریاست ره برسمیت نشناسی‌یه. وه میونی آمریکای متحد ایالات از سر بساتن جه هم حمایت هاکرده. ونه دوره السالوادور غربی صحرا برسمیت بشناسی‌ین جه دست بکشی‌یه تا مراکش جه بتتر رابطه برقرار هاکنه. وه قطر و ترکیه مقامات جه هم نشست-برخاست داشته.

منابع

• انگلیسی ویکی‌پدیا