سیرالئون

Republic of Sierra Leone سیرالئون
ملی شعار: «دی‌دَوِسّی، لارش، عدالت»
ملی سرود: ته ره گت کامبی، آ لارون ِسامون
سیرالئون ِموقعیت
نیشتنگا (و گتترین شهر)		فری تاون غربی′۱۵°۱۳ شمالی′۳۱°۸
رسمی زوون		انگلیسی
حکومت ِنوع		جمهوری
حاکمون نوع  • رئیس جمهور • رئیس جمهور ِمعاون		ارنست بای کوروما ساموئل سام-سومانا
موارد منجر به تشکیل بریتانیا جه		۲۷ آوریل ۱۹۶۱
گتی
-	گتی	۷۱٬۷۴۰کیلومتر مربع (۱۱۹ام)
-	‌ئو‌ (٪)	۱٫۱
جمعیت
-	سرشماری	۶٬۲۹۴٬۷۷۴  (۱۰۳ام)
-	جمعیت انبسی	۱۹۹‎/km۲‏ (۱۱۴ام)
پول یکا		لئون (SLL)
زمونی منطقه		GMT (جهونی ساعت+۰)
اینترنتی دامنه		.sl
تلفن پیش‌شماره		+۲۳۲

سیرالئون (انگلیسی جه: Sierra Leone) اتا کشوری افریقای غرب میون هسته که ونه گت ِشهر نوم فری‌تاون هسته. سیرالئون ِجمعیت ۶ میلیون نفر و ونه رسمی زوون انگلیسی هسته. این کشور پول ِیکا نوم لئون هسته.

این کشور دله مردمون شونزَه‌تا قوم جه تشکیل بَیینه که هرکامین شه زوون و رسوم ره دارنه. دِتا قوم که همه جه گتته هستنه، تنمه و منده نوم دارنه. بین ۶۹ تا ۷۰ درصد مردم سیرالئون دله مسلمون و ۲۰ تا ۳۰ درصد مسیحی هستنه.

پرتغالیون سال ۱۴۶۱ این منطقه ره کشف هاکردنه. سیرالئون ِنوم پرتغالی زوون دله «شیرون ِکوه» ره معنی دِنه. این منطقه قدیم بَرده بَییتِن وسّه کار بَزه بی‌یه. اسا با اون‌که این کشور ِطبیعی منابع خله هسته، ۷۰ درصد مردمون فقیرنه.

تاریخ

برده‌ئون ِتجارت وسه سیرا لئون اتا گت ِمنبع بی‌یه و هزارون آفریقایی ره استعمارکرون اینجه جه راهی کاردنه که بورِن دیگه مناطق دله. فری تاون سال ۱۷۸۷ جه بعنوان شهری بساته بیّه که آزاد بَیی برده‌ئون که وَردِگِردست بینه، ونه دله زندگی کاردنه.

سیرالئون روز ۲۷ آوریل ۱۹۶۱ انگلیسی جه مستقل بیّه و اتا سیوا کشور بگردسته. این کشور دله سال‌ها جنگ بی‌یه تا اون‌که سال ۲۰۰۲ ناتو کومِک هاکرده که جنگ توم بَواشه و بیش از ۱۷ هزارتا خارجی سرباز ده‌ها هزار شورشی ره خلع سلاح هاکردنه.