၁ ဧပြီ

ဧပြီလ၊ (၁)ရက်နေ့ သည် ဂရီဂေါရီးယန်းပြက္ခဒိန်အရ တစ်နှစ်တာ၏ (၉၁)ရက်မြောက် (ရက်ထပ်နှစ်ဖြစ်လျှင် (၉၂)ရက်မြောက်)) နေ့ရက် ဖြစ်သည်။ ယင်းတစ်နှစ်တာ ကုန်ဆုံးရန် ရက်ပေါင်း (၂၇၄) ရက် ကျန်သေးသည်။

ဖြစ်စဉ်များ

၁၆၀၀ ခုနှစ် မတိုင်မီ

• ၃၃ – သမိုင်းပညာရှင်တစ်ဦး၏ မှတ်တမ်းများအရ ယေရှုခရစ်တော်၏ နောက်ဆုံးညစာစားပွဲအား ကျင်းပခဲ့သည်။
• ၅၂၇ – ဘိုင်ဇန်တိုင်း အင်ပါယာပြည့်ရှင် ဂျက်စတင်း ၁ သည် သူ၏ တူတော် ဂျက်စတင်နီယန် ၁ကို တွဲဖက်အင်ပါယာပြည့်ရှင်ဟု အမည်ပေးခဲ့ပြီး ထီးနန်းကို ဆက်ခံစေခဲ့သည်။
• ၁၅၄၅ – ဘိုလီးဗီးယားနိုင်ငံ၊ ပိုတိုဆီမြို့ကို ကြီးမားသော ငွေသတ္ထုသိုက်များအား တွေ့ရှိပြီးနောက် ထိုဧရိယာတွင် တည်ထောင်ခဲ့သည်။
• ၁၅၇၂ – နှစ်ရှစ်ဆယ် စစ်ပွဲအတွင်း Watergeuzen တို့သည် ပြည်နယ် ၁၇ ခုမှ ဘရီလယ်မြို့အား တိုက်ခိုက်သိမ်းပိုက်ခြင်းအား ဆောင်ရွက်နိုင်ခဲ့ပြီး ဒတ်သမ္မတနိုင်ငံတော်အတွက် ပထမဆုံးသော ခြေကုပ်ကို ရယူနိုင်ခဲ့သည်။

၁၆၀၀ ခုနှစ်မှ ၁၉၀၀ ခုနှစ်ထိ

• ၁၆၂၅ – ဒတ်ချ်-ပေါ်တူဂီ စစ်ပွဲအတွင်း သင်္ဘော ၅၂ စီး ပါဝင်သော တပ်ပေါင်းစုကြီးသည် ဘာဟီးယားမြို့အား ပြန်လည်သိမ်းပိုက်ခြင်းအား စတင်ခဲ့သည်။
• ၁၇၈၉ – နယူးယောက်မြို့တွင် အမေရိကန်ပြည်ထောင်စု အောက်လွှတ်တော်သည် ပထမဆုံးအကြိမ် အစည်းအဝေးအထမြောက်နိုင်သောဦးရေဖြင့် အောင်မြင်စွာကျင်းပနိုင်ခဲ့ပြီး ပင်ဆယ်ဗေးနီးယားပြည်နယ် လွှတ်တော်ကိုယ်စားလှယ် ဖရက်ဒရစ် မူလန်ဘတ် အား အောက်လွှတ်တော်ဥက္ကဋ္ဌအဖြစ် ရွေးချယ်ခဲ့သည်။
• ၁၈၃၃ – မက်ဆီကန်အစိုးရအား အသနားခံစာတွဲမူကြမ်းအား အကောင်အထည်ပေါ်စေရန် မက်ဆီကန် တက္တဆပ်တွင် နေထိုင်သူများ၏ နိုင်ငံရေးဆိုင်ရာ စုဝေးမှုအဖြစ် ၁၈၃၃ ခုနှစ် ညီလာခံကို ဆန် ဖီလစ်ပီ ဒီ ဩစတင်မြို့တွင် ကျင်းပခဲ့သည်။
• ၁၈၆၅ – အမေရိကန် ပြည်တွင်းစစ်: ဖီလစ် ရှယ်ရီဒန် ဦးဆောင်သော ပြည်ထောင်စုတပ်မတော်မှ ‌ဂျော့ ပစ်ကပ် ဦးဆောင်သော ကွန်ဖက်ဒရိတ်တပ်အား ပြတ်ပြတ်သားသား ရှုံးနိမ့်စေခဲ့ပြီး မြောက်ပိုင်းဗာဂျီးနီးယားတပ်၏ နောက်ဆုံးသော ထောက်ပံ့ရေးလိုင်းအား ဖြတ်တောက်နိုင်ခဲ့သည်။
• ၁၈၆၇ – စင်ကာပူသည် ဗြိတိသျှမှ တိုက်ရိုက်အုပ်ချုပ်သော ကိုလိုနီနယ်(crown colony) တစ်ခုဖြစ်လာခဲ့သည်။
• ၁၈၇၃ – White Star သင်္ဘောလိုင်း၏ သင်္ဘောတစ်စီးဖြစ်သော အတ္တလန်တစ်သင်္ဘောသည် ကနေဒါနိုင်ငံ၊ နိုဗာစကိုးရှားပြည်နယ်အနီးတွင် နစ်မြုပ်ခဲ့ပြီး လူ ၅၄၇ ဦး သေဆုံးခဲ့ရာ ၁၉ ရာစုနှစ်တွင် ရေကြောင်းဆိုင်ရာဘေးဒုက္ခတစ်ခုဖြစ်ခဲ့သည်။