David Villa
_(Villa_crop).jpg) | |||
| Informazzjoni personali | |||
|---|---|---|---|
| Isem sħiħ | David Villa Sánchez | ||
| Twelid | 5 ta' Frar 1985 Langreo, Spanja | ||
| Tul | 1.75 m | ||
| Rwol | Attakkant | ||
| Mixtliet | |||
| 1991–1999 | Langreo | ||
| Karriera professjonali | |||
| Snin | Klabb | ||
| 1991–2001 | Sporting de Gijón B | ||
| 2001–2003 | Sporting de Gijón | ||
| 2003–2005 | Real Zaragoza | ||
| 2005–2010 | Valencia | ||
| 2010–2013 | Barcelona | ||
| 2013–2014 | Atlético Madrid | ||
| 2014–2018 | New York City | ||
| 2014 | → Melbourne City (self) | ||
| 2019–2020 | Vissel Kobe | ||
| Tim nazzjonali | |||
| 2005–2017 | Spanja | ||
David Villa Sánchez (twieled fit-3 ta' Diċembru 1981) huwa eks-plejer tal-futbol Spanjol li kien jilgħab bħala attakkant. Fi Spanja hu hu magħruf bħala El Guaḥe, jiġifieri "it-tfajjel".
Kemm mal-klabb u kif ukoll man-nazzjonali, Villa jilgħab bin-numru 7.
Karrateristiċi tekniċi
[immodifika | immodifika s-sors]Attakkant li kapaċi jilgħab kemm bħala attakkant ċentrali u anki wara l-ewwel punta, fejn għandu abilità kbira fil-pożizzjoni tiegħu permezz tal-veloċità tiegħu. Hu speċjalist kbir fl-għoti tal-free kicks u anki fil-penalties, fejn ħafna drabi jkunu affidati għal-lemin tajjeb tiegħu. Barra minn hekk għandu teknika invidwali kbira fejn flimkien mal-abilità fl-aċċelerazzjoni, jagħmlu imprevidibbli meta jkun f'sitwazzjonijiet ta' wieħed kontra wieħed u għall-gowlers. Flimkien man-numru sabiħ ta' gowls li jiskorja u anki għax-xutt b'saħħtu u preċiż li għandu, dan jagħmlu wieħed mill-aqwa attakkanti preżenti. Fl-istess mod jibrilla fil-viżjoni tal-logħob u anki fil-kapaċità li jiżmarka lil sħabu.
Karriera
[immodifika | immodifika s-sors]Bidu tal-karriera
[immodifika | immodifika s-sors]Villa kiseb l-ewwel ċans professjonistiku permezz tal-klabb lokali ta' Sporting de Gijón, fejn iddebutta mal-ewwel tim fl-istaġun 2000–01. L-istaġun ta' wara hu kien plejer regulari, fejn skorja tmintax-il gowl, u għoxrin fl-istaġun ta' wara. Wara aktar minn 50 gowl fi tliet staġuni ma' Gijón, hu ngħata ċans fl-aqwa diviżjoni Spanjola, il-La Liga, permezz ta' Real Zaragoza li xtrawh fis-sajf tal-2003. Hu ma kellux problemi biex jadatta biex fl-ewwel staġun sab ix-xibka sbatax-il darba. Villa wassal lil Real Zaragoza għar-rebħa fil-Copa del Rey fejn skorja gowl kruċjali kontra Real Madrid.
Wara li lagħab l-ewwel internazzjonali tiegħu ma' Spanja, Valencia ħadu ċ-ċans u kisbu lill-plejer għal €12-il miljun fis-sajf tal-2005.
Valencia
[immodifika | immodifika s-sors]Fl-istaġun 2005–06, hu skorja 25 gowl f'35 logħba tal-kampjonat ma' Valencia, fejn spiċċa biss gowl wieħed inqas mill-aqwa skorer tal-kampjonat li kien Samuel Eto'o ta' Barcelona. Hu skojra l-ewwel tripletta għal Valencia kontra Athletic Bilbao fit-23 ta' April 2006. Dan it-tragward laħqu billi skorja tliet gowls f'madwar ħames minuti (mit-80 sal-85 minuta), biex saret fost l-aktar tripletti veloċi li qatt ġew irrikordjati.
Il-forma ta' Villa kompliet fl-istaġun segwenti, fejn ifforma koppja tal-attakk flimkien ma' Fernando Morientes. Flimkien, Villa u Morientes skurjaw bejniethom 40 gowls f'kull kompetizzjoni, biex sfurzaw lil Raúl González biex ikun barra mit-tim nazzjonali Spanjol. Hu skorja free kick brillanti fit-tieni rawnd taċ-Champions League kontra Inter Milan li għen lil Valencia jaslu sal-kwarti tal-finali fejn eventwalment tilfu kontra Chelsea.
Fil-100 apparenza tiegħu għal Valencia, Villa skorja tripletta kontra Levante. Żewġ gowls oħra kienu skurjati fl-aħħar ġurnata tal-istaġun kontra Atlético Madrid, fejn b'hekk spiċċa l-istaġun bi tmintax-il gowl minn 28 partita.
Fl-2007–08 hu rebaħ l-ewwel trofew ma' Valencia, meta rebħu 3–1 lil Getafe fil-finali tal-Copa del Rey, wara li kienu għadhom kemm rebħu fis-semifinali lil Barcelona. Minkejja interess kbir minn klabbs kbar madwar l-Ewropa, l-aktar fost dawn kienu Real Madrid, hu iffirma kuntratt ta' sitt snin ma' Valencia, li b'hekk se jżommu f'Mestalla sal-2014.[1]
Internazzjonali
[immodifika | immodifika s-sors]Mat-tim nazzjonali Spanjol, Villa iddebutta fl-4 ta' Frar 2005 f'partita li ntlagħbet kontra San Marino f'Almería u kienet mirbuħa bl-iskor ta' 5–0.
Kien magħżul mat-tim għat-Tazza tad-Dinja 2006 fejn matul dan it-turnew skorja tliet gowls, b'doppjetta kontra l-Ukrajna u gowl minn penalty kontra Franza, però dan irriżulta għalxejn hekk kif Spanja ħarġu 3–1 telliefa u waqfu sal-fażi tal-aħħar sittax. Hu skorja tliet gowls bħal sieħbu fl-attakk, Fernando Torres.
Wara t-Tazza tad-Dinja, Villa kompla bħala l-ewwel għażla fl-attakk, fejn beda l-ħdax-il partita internazzjonali matul l-istaġun 2006–07. Hu rnexxielu jiskorja numru impressjonati ta' 8 gowls minn dawn il-partiti u spiċċa bħala l-aqwa skorer ta' Spanja fil-fażi ta' kwalifikazzjoni għall-Euro 2008 b'7 gowls. Fis-26 ta' Marzu 2008, fil-partita ta' ħbiberija bejn Spanja u l-Italja hu skorja gowl mill-isbaħ biex ta r-rebħa ta' 1–0 lill-Ispanjoli.
Fid-debutt tiegħu fil-Kampjonati Ewropej 2008, fir-rebħa kbira ta' Spanja kontra r-Russja bl-iskor ta' 4–1, hu skorja tripletta, fejn din kienet it-tmien darba fl-istorja ta' dawn il-kampjonati li plejer skorja tripletta jew aktar f'partita.[2] Barra minn hekk hu skorja gowl importanti fit-93 minuta tal-partita li segwiet, kontra l-Iżvezja fejn b'hekk ta l-kwalifikazzjoni għall-kwarti tal-finali. Fil-fażi ta' wara, Spanja ltaqgħet mal-Italja, u wara 120 minuta mingħajr gowl, kienu l-penalties li taw ir-rebħa lill-Ispanjoli, fejn Villa kien l-ewwel wieħed li skorja f zibbu. Fis-semifinali kontra r-Russja, hu weġġa' u kien sostitwit minn Cesc Fabregas. Minkejja li kien assenti mill-finali mirbuħa minn Spanja fuq il-Ġermanja, hu xorta kien inkuruat bħala l-aqwa skorer tat-turnew b'4 gowls.
Unuri
[immodifika | immodifika s-sors]Klabb
[immodifika | immodifika s-sors]- Real Zaragoza
- Copa del Rey: 2004
- Valencia
- Copa del Rey: 2008
- Barcelona
- La Liga: 2010–11, 2012–13
- Copa del Rey: 2011–12
- Supercopa de España: 2010, 2011
- UEFA Champions League: 2010–11
- Super Cup Ewropea: 2011
- Tazza tad-Dinja tal-Futbol tal-Klabbs: 2011
- Atlético Madrid
- La Liga: 2013–14
- Vissel Kobe
- Tazza tal-Imperatur: 2019
Nazzjonal
[immodifika | immodifika s-sors]- Kampjonati Ewropej: 2008
- Tazza tad-Dinja: 2010
Individwali
[immodifika | immodifika s-sors]- Trofew Zarra: 2005–06, 2006–07, 2008–09, 2009–10
- Żarbuna tad-deheb tal-Euro 2008: 2008
- Plejer Spanjol tas-Sena: 2005–06
- FIFA/FIFPro World XI: 2010
- Tim tas-Sena tal-UEFA: 2010
Referenzi
[immodifika | immodifika s-sors]- ^ "Villa signs new 6 year contract" (bl-Ingliż). ESPNsoccernet. 2008-08-27. Arkivjat minn l-oriġinal fl-2008-12-06. Miġbur 2008-09-13.
- ^ "Spain stay humble after Villa shines" (bl-Ingliż). FourFourTwo. Miġbur 2008-06-10.
Ħoloq esterni
[immodifika | immodifika s-sors]- David Villa fuq Soccerbase
- David Villa fuq National-Football-Teams.com
- David Villa – rekord kompetittiv tal-FIFA (arkivjat)
- David Villa – rekord fil-kompetizzjonijiet tal-UEFA (arkivju)
