Lentia

Lentia^[1]^[2] seu Lentium^[3] seu Aredata seu Aredatum^[4] (Theodisce: Linz) est urbs in Austria ad Danubium flumen sita et caput provinciae Austriae Superioris. Post Vindobonam et Graeciam numero incolarum tertium locum inter urbes Austriacas tenet. Anno 2009 Lentia una cum Vilna titulum capitis culturalis Europae tulit. Ex 2014 Lentia pars coniunctionis urbium creatorum UNESCO est.

Historia

Iam quarto saeculo a.C.n., compluria oppida Celtica in ea regione, quam Lentia hodierna occupat, sive in collibus sive in utraque Danubii ripa exstiterunt, quorum unum in monte Freinberg vocato situm Celtarum lingua Lentos ('flexibilis, incurvatus') appellatum esse videtur, quod nomen in posteriora castra Romana translatum est.

Lentia pars Imperii Romani erat. Inter annos 166 et 180, dum bellum Marcomannicum geritur, Marco Aurelio imperatore castra posita sunt. Quorum fit mentio in Notitia Dignitatum (circiter 420) sub nomine Lentia. Oppidum quamvis compluries a Germanis deletum, tamen in Medium Aevum permanebat et ab saeculo octavo, cum Tassilone III duce in dicionem ducatus Bavariae venisset, denuo florescebat.

Anno 799, nomen vernaculum Linze primum litteris apparet, anno 806 Lentia mercatus dicta est, sub annum 1240 urbi praetor et sigillum urbanum tributa sunt. Cum urbs illo tempore in confinibus ducatus Austriae sita esset, portorium exigebatur, quo incrementum civitatis magnopere augebatur, cuius rei testimonio est novum forum anno 1230 creatum. Inter annos 1489 et 1493 Friderico III imperatore Lentia caput Sacri Imperii Romani erat.

Novis temporibus industria Lentiam venit. Hodie Lentia ab urbe industriae in urbem culturae mutatur.

Religiones

Ecclesia Cathedralis Immaculatae Conceptionis

Ad 1600, maxima Lentiae pars incolarum confessioni Augustanae addicta, ecclesia autem Catholica paene exstincta erat. Post Reformationem Catholicam, initio saeculi decimi septimi habitam usque ad hodiernum diem, maior civium pars sunt Catholici Romani. Lentia etiam est sedes episcopalis Ecclesiae Catholicae Romanae, nomine Dioecesis Linciensis. Praesens Episcopus Ludovicus Schwarz^[5] anno 2005 nominatus est. Lentia multas ecclesias magnificas habet. Ecclesia Cathedralis Nova^[6] principio saeculi vicesimi aedificata maxima Austriae ecclesiarum est.

Aliae ecclesiae praeclarae:

Ecclesia parochialis urbis (Theodisce: Stadtpfarrkirche)
Ecclesia cathedralis antiqua (ecclesia Iesuitarum)
Ecclesia Ordinis Sanctae Ursulae
Ecclesia tituli "basilica minor" in monte Pöstlingberg (Basilica peregrinationis ad Mariam dolorosam)
Ecclesia Sancti Martini (quae est antiquissima ecclesia urbis tempore Caroli Magni fundata).

Schola episcopalis (antea "seminarium minus") nomine Collegium Petrinum anno 1897 condita est.

Alia aedificia visu digna

Aedificia fori et aedificia centri historici.
Castellum: Prima mentio facta est anno 799; saeculo quinto decimo, sedes imperatoris Friderici III erat. Ex anno 1966, hospitio museo historico-ethnographico praebet.
Lentos: Aedificium notandae architecturae modernae ad Danubium situm cum pinacotheca arti recenti destinata.
Centrum artis electronicae: Aedificium notandae architecturae modernae ad Danubium situm cum museo artis mediae electronicae.
Brucknerhaus: Domus musicae arti dedicata, quae nomen a compositore Antonio Bruckner trahit.
Novum theatrum variis musicae spectaculis dedicatum et anno 2013 apertum.

Forum.
Centrum historicum.
Ecclesia Cathedralis Nova.
Brucknerhaus.
Danubius et Lentos.
Pöstlingberg.

Artes et scientiae

Quattuor universitates Lentiae sitae sunt:

Universitas Kepleriana (Theodisce: Johannes-Kepler-Universität): magis quam LX studia, in rebus medicina, scientia naturalis et technicae, iurisprudentia, oeconomia et sociologia
Universitas theologica Catholica
Universitas artis musicae nomine Anton-Bruckner-Universität
Universitas artium visualium

Regiones urbanae

Lustenau, urbana Lentiae regio, usque ad annum 1873 liberum municipium erat.

Incolae notabiles

Nati

Helimutus Marx (1915 - 2002) sculptor
Valie Export: Artifex mediorum, nata die 17 Maii 1940 Lentiae.
Christina Stürmer (*1982), cantrix

Mortui

Adalbertus Stifter: Scriptor, pictor, paedagogus; natus 23 Octobris 1805 Planae de Monte Vitconis (Bohemia), mortuus 28 Ianuarii 1868 Lentiae.

Alii cives

Iohannes Keplerus: Astronomus, natus 27 Decembris 1571 in Weil der Stadt, mortuus 15 Novembris 1630 Ratisbonae, qui multos annos Lentiae vitam agebat.
Antonius Bruckner: Compositor; natus die 4 Septembris 1824 in vico Ansfelden nuncupato et Lentiae finito, mortuus Vindobonae die 11 Octobris 1896.

Coniunctiones communium

Salinae Saxonicae (Germania), ab 1975

Tacapae (Tunisia) ab 1977
Zaporizhia (Ucraina), ab 1983
Cemtu (Res Publica Popularis Sinarum), ab 1984
Budovicium (Cechia), ab 1987
Linz (ad Rhenum, Germania), ab 1987
Fanum Sancti Caroli (Nicaragua), ab 1988
Kansiopolis (Kansia) (Civitates Foederatae Americae), ab 1988
Gwangyang (Respublica Coreana), ab 1991
Mutina (Italia), ab 1992
Novogardia Inferior (Russia), ab 1993
Berolinum-Carolaeburgum-Vilmersdorfium (Germania), ab 1995
Lincopia (Suecia), ab 1995
Norcopia (Suecia), ab 1995
Tammerforsia (Finnia), ab 1995
Albufeira (Lusitania), ab 2008
Corona, Romania, ab 2012

Notae

↑ "Lentia" in Iohannes Iacobus Hofmannus, Lexicon universale (1698) ~; J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3
↑ Vb. adiect. "Lentiensis": Ammianus Marcellinus, Res gestae 15.4.1
↑ A. Chiusole, Il mondo antico, moderno, e novissimo, ovvero Breve trattato (Venetiis: G. B. Recurti, 1749)
↑ Pertsch, Erich: Langenscheidts Großes Schulwörterbuch Lateinisch-Deutsch, Berolini et Monaci 1983, ISBN 3-468-07202-3, p. 1325
↑ de:Ludwig Schwarz
↑ de:Neuer Dom (Linz)

Nexus interni

1469 Linzia

Nexus externi

Vicimedia Communia plura habent quae ad Lentiam spectant.

Terra

Haec stipula ad urbem spectat. Amplifica, si potes!

Formula:Lentiae regiones

Urbes Austriae


Anisia · Brigantium · Campitemplum · Cetium · Clagenfurtum · Comagenis · Ferreum Castrum · Graecia · Lentia · Ovilava · Pons Aeni · Salisburgum · Veldidena · Vindobona

[1] "Lentia" in Iohannes Iacobus Hofmannus, Lexicon universale (1698) ~; J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3

[2] Vb. adiect. "Lentiensis": Ammianus Marcellinus, Res gestae 15.4.1

[3] A. Chiusole, Il mondo antico, moderno, e novissimo, ovvero Breve trattato (Venetiis: G. B. Recurti, 1749)

[4] Pertsch, Erich: Langenscheidts Großes Schulwörterbuch Lateinisch-Deutsch, Berolini et Monaci 1983, ISBN 3-468-07202-3, p. 1325

[5] :Ludwig Schwarz

[6] :Neuer Dom (Linz)

[1]

[2]

[3]

[4]

[5]

[6]