Sarfven

Klass	karrek dreusfurvek
	Restrennow kelmys war Gemmyn Wikimedia

Sarfven ew karrek gwres a vonyow e'n bagas sarfinit. An hanow a dheu drefen y semlant dhe grohen sarf. Monyow e'n bagas ma ew rych en magnesiom ha dowr, gwyrdh golow po tewl ha furvys gen sarfenigyans (serpentinization), process a hwer war leur an mor ogas dhe oryon plattys tektonek. Ma karrygi dhort mantel an Norvys ow kodhevel hidratyans, oksidyans a olivin ha treusfurvyans.

Dres treusfurvyans, sugnys ew mynsow meur a dhowr dhe'n garrek. An dosedh a leha etho. An dasoberyans a liver tobmder, pednfenten nerthedh rag furvya tardhellow hidrothermel. Livrys ew hidrojen, methan ha hidrojen sulfid, boos rag korrorganedhow kymotrofik.

Furvyes ew sarfven en keynow kres an keynvor. Sarfven ew kevys en Lysardh en Kernow; Thetford Mines, Quebec, Kanada; Lydn Valhalla, Jersi Nowydh; Konteth Gila, Arizona ha telleryow en Gres, Koberenys, Oman ha Gyni Nowydh.

Gweresow war sarfven ew tanow dell ew usys. Boghosek en kalciom ew gweres war sarfven, ha rych en olkenyow gwenonek dhe blansow, pekar ha kromiom ha nikel.

Isel ew kaletter sarfven (2.5-3.5 war an skeul Mohs). Usys ew sarfven rag kervyansow gen an pobel Inuit.