Жан Ануй

Жан Ануй (фр. Jean Anouilh) – француз драматургі, сценарийші және XX ғасырдағы француз әдебиетінің көрнекті өкілі .

30-жылдардың басында режиссёр Луи Жувенің хатшысы болып жұмыс істейді. 1931 жылы «Ақкіс» атты тұңғыш пьесасын жазады. 1937 жылы Париж сахнасында қойылған «Багажсыз жолаушы» атты пьесасы мол табысқа кенелтіп, үлкен атақ алып келеді. Сондай-ақ Ануй бірнеше фильмдерге сценарий жазған («Винсент мырза» (1947) және «Кішкентай Мольер» (1959). Оның пьесалары Ресей сахналарында да қойылып жүр. 2001 жылы А.П. Чехов атындағы театрда «Антигона» пьесасы қойылады. 2010 жылы Воронеж мемлекеттік академиялық театрында «Қамау» атты пьесасы қойылды.